Сомихыстоны Гуырдзыстоны минæвар Гиоргий Шарвашидзейы расидæнмæ гæсгæ, Сомихыстоны визиты рæстæджы, Гуырдзыстоны президент Михаил Хъавелашвилийæн фембæлдтæ уыдзæн йæ сомихаг коллегæимæ, премьер-министримæ æмæ хицауады минæвæрттимæ.

Гиоргий Шарвашидзе Сомихыстонмæ визиты нысаниуæгы фæдыл фæныхас кодта æмæ банысан кодта, цæмæй фембæлдты фæдыл ныхас цæудзæн ахæм фарстатыл, кæцытæ нысаниуæгджын сты æрмæст Гуырдзыстон æмæ Сомихыстонæн нæ фæлæ ма æнæхъæн регионæн дæр.

«Ай у иттæг нысаниуæгджын визит, президенты фыццаг официалон визит Сомихыстонмæ.Плангонд сты фембæлдтæ мæ коллегæимæ, Сомихыстоны президентимæ г-н Хачатурянимæ, премьер-министримæ.Афтæ дæр уыдзæн фембæлдтæ хицауады минæвæрттимæ, министртимæ.Куыст график тынг æфсæст у.Нысаниуæгдзинады тыххæй та, кæй зæгъын æй хъæуы, ацы визит тынг нысаниуæгджын у, уымæн æмæ нæ ахастытæ историон максимуммæ баххæсыдысты.

Ивгъуыд азы Сомихыстон æмæ Гуырдзыстоны æхсæн стратегион ахастытæ бафыстой, хатдзæг æрцыд меморандум. Экономикон ахастытæ, туризм рæзынц тынг тагъд темптæй, бирæ иумæйаг хъуыддæгтæ нæм ис. Тагъд рæстæджы Сомихыстоны уагъд æрцæудзысты Гуырдзиаг культурæйы бонтæ æмæ бирæ хъуыддæгтæ райдыдта, се æхсæн сабырадон инициативæ, кæцы Гуырдзыстон æрхъуыды кодта, сабырадон Кавказы идеяимæ, æмæ ис бирæ фарстатæ, кæцытæ сты цымыдисон æмæ цымыдисон сты æнæхъæн регионæн, æрмæст Гуырдзыстон æмæ Сомихстонæн нæ», -расидтис Гиоргий Шарвашидзе.

Гуырдзыстоны президент Михаил Хъавелашвили, делегациимæ иумæ, абон Сомихы сæйраг сахармæ официалон визитæй ацæудзæн.