Гуырдзыстоны президент, Михаил Хъавелашвили, президенты галуаны Гуырдзыстоны Каталикос-Патриарх Шио III-ы интронизацийы фæдыл Гуырдзыстонмæ æрцæугæ уазджыты суазæг кодта.

Фембæлды хайад райстой Чехийы æмæ Словакийы митрополит  Тæхудийаг Ростислав æмæ Александрийы, Уæрæсейы, Сербийы, Болгарийы, Грецийы, Албанийы, Польшæйы æмæ Украинæйы рæстдинон аргъуанты минæвæрттæ.

Президенты галуаны патриарх Шио III дæр уыд.

Михеил Хъавелашвили социалон хызæгты куыд ныффыста, афтæмæй фембæлдыл рæстдинон аргъдзинæдты ролы фæдыл ныхас цыд.

«Фембæлды мах бахахх кодтам рæстдинон аргъдзинæдты ролыл æмæ банысан кодтам, цæмæй нырыккон зындзинæдтæй йедзаг дунейы рæстдинон аргъуанты роль сабырад, гуманизм æмæ традицион аргъдзинæдтæ хъахъхъæныны хъуыддаджы ноджы стырдæр нысаниуæг райсы.

Æз ноджы иу хатт бузныг загътон фембæлдыл уазджытæн сæ зæрдиаг тæфæрфæс æмæ æмзæрдæдзинад Йæ Сыгъдæгдзинад æмæ Амондджын Илья Дыккагы амæлæты фæдыл» – фыссы Михаил Хъавелашвили.