Абон сымах стут уыцы тых, кæцы цыфæнды моменты дæр цæттæ у паддзахады æмæ æмбæстæгты æдасдзинад хъахъхъæнынмæ. Уæ иузæрдиондзинад æмæ æнæфæцудгæдзинад уæлдай уарзондзинады аккаг сты гуырдзиаг адæмæй – уый фæдыл Гуырдзыстоны президент, Михеил Хъавелашвили Гуырдзыстоны хъахъхъæнынады боны цытæн цытджын мадзалы ныхасы рæстæджы расидтис.

Михеил Хъавелашвили банысан кодта, цæмæй фæмардуæвæг хъайтарты нæмттæ æнустæм мысынады баззайдзысты, куыд хиуылхæцгæ, æнæфæцудгæ æмæ райгуырæн бæстæмæ удуæлдай уарзондзинады цæвиттон.

«Стырдæр кад æмæ æфсармимæ мæ фæнды æрымысæм нæ фæмардуæвæг хъайтарты, кæцытæ нывондæн æрхастой райгуырæн бæстæйы сæрибардзинад æмæ намысæн иууыл зынаргъдæр – сæхи цард. Æз  кувын нæ хъæбатырты номарынæн. Сæ нæмттæ æнустæм баззайдзысты нæ адæмы мысынады куыд хиуылхæцгæ, æнæфæцудгæ æмæ райгуырæн бæстæмæ æнæзæрдæхудт уарзондзинады дæнцæг», — загъта президент.

Михеил Хъавелашвили Гуырдзыстоны хъахъхъæнынады тыхты 35 азы сæрмæ раарфæ кодта æрыгонтæн, кæцытæ æфсæддон ард райстой æмæ уыцы ветерантæн, кæцытæ сæ фæлтæрддзинад, хъæбатырдзинад æмæ æнувыддзинадæй бындур æрæвæрдтой нырыккон гуырдзиаг æфсадæн.