Иуæй ЕÆÆО/ОDIHR-ы хатдзæг у позитивон æмæ дзы ис ахæм хæйттæ, кæцытæ хъæуы нымадмæ райсын, фæлæ ис ахæм фарстатæ, кæцытыл ныридæгæн сразы стæм – уыдзæн интенсивон дискусси ЕÆÆО-йы æмбæлон структурæты æхсæн/ ОDIHR æмæ Гуырдзыстон – расидтис Гуырдзыстоны парламенты фыццаг вице-спикер Гия Вольски.

«Ис ахæм фарстатæ, кæцытыл нæ бон у сразы уæвын æмæ кæцытыл нæ бон нæу сразы уæвын. Фæлæ фæстиуджытæ равдисдзысты консультацитæ, кæцытæ ОSСЕ/ОDIHR ныридæгæн барвыста Фæсарæйнаг хъуыддæгты министрадмæ. Цæуыл ис гæнæн æмæ ма сразы уæм? Нæ бон нæу сразы уæм, цæмæй ЦÆК-ы ист уынаффæ хъуамæ баст уа 2/3-ы позицийыл. Ацы цауы, æрцæудзæн ахæм уавæр, æмæ уынаффæ æппындæр нæ ист æрцæудзæн, афтæ ма ЦÆК-ы сконд дæр, кæд æмæ политикон æгъдауæй æнувыд оппозици нæ сразы уыдзæн æмæ ногæй уыдзæн диверсийы режимы, кæцы у уыдонæн æрвылбонон миниуæг. Æууæнкдзинады тыххæй та, кæй зæгъын æй хъæуы, æууæнкдзинады цухдзинад ис, фæлæ бирæ цауты уыцы цухдзинад æвзæры цавæрдæр политикон интересæй æмæ реалон уавæрæй нæ. Реалон уавæр бынтон æндæр у, Гуырдзыстон у европон бæстæ, цæрджыты стыр хай йæ фарсыл хæцы европон интеграцийæн», -расидтис Гиа Вольски.

Абон Евроцæдисы минæварад Гуырдзыстоны апарахат кодта еврокамисары уæрæхдæр кæныны фæдыл расидæны тæлмац. Коси хъусын кæны, цæмæй «Гуырдзыстоны хицауад тагъдæй хъуамæ сæххæст кæна приоритетон рекомендацитæ, цæмæй сног кæной æууæнкдзинад, банымад æмæ сифтонг кæной европæйаг фидæн».