Финансты министрад рапарахат кодта фидиуæн, кæцымæ гæсгæ, январ-мартъийы паддзахадон бюджеты реализацийы развæлгъау бæрæггæнæнты фæдыл æнæбары спекуляци цæуы.

Минитсрады расидæны куыд банысангонд у, афтæмæй плангонд бюджетон бæрæггæнæн сæххæст кæныны проблемæ нæй, бюджеты æфтиагы хай æххæстгонд цæуы уæлдайæй, бюджетон хæстæ сæххæст кæныны фæдыл арæзт æнхъæлцтæ та ноджы иу мæнгдзинад æмæ спекуляци сты.

«Мах фæнды дзуапп раттын январ-мартъийы паддзахадон бюджеты реализацийы уæлæмхас бæрæггæнæнты тыххæй æнæбары спекуляцитæн, кæцытæ сты бынтон æнæбындур æмæ нысан кæнынц æхсæнады æнæбары рæдийын кæнын».

Фыццаджыдæр банысан кæндзыстæм, æмтгæй райсгæйæ, куыд паддзахадон, афтæ консолидацион бюджеты æфтиæгтæ æмæ хъалонты реалон бæрæггæнæнтæ ахызтысты, кæд æмæ хъалонты иуæй-иу хуызты реалон бæрæггæнæн прогнозгонд бæрæггæнæнæй къаддæр уыд, уæддæр.

2025 азы фыццаг кварталы консолидацион бюджеты æфтиæгтæ уыдысты 6,5 миллиард лари, кæцы уыд прогнозгонд бæрæггæнæны 102,1%. Се æхсæн хъалонты æфтиæгтæ сты 6,1 миллиард лари, кæцы у 118 милуан лари фылдæр прогнозгонд бæрæггæнæнæй (6,0 миллиард лари) æмæ 102,0% у.

Паддзахадон бюджеты æфтиæгты пълан ахызт. Сæрмагондæй, паддзахадон бюджеты æфтиæгтæ, кæцытæ райст æрцыдысты январь-мартъийы, уыдысты фыццаг кварталы прогнозгонд бæрцæй 102,1% (5,6 миллиард лари) – 5,7 миллиард лари. Уыдон æхсæн, прогнозгонд хъалоны ставкæ уыд 5,3 миллиард лари, реалон бæрæггæнæн та у 5,4 миллиард лари, кæцы у планы 102,3%.

Паддзахадон бюджеты æцæг иумæйаг æфтиæгтæ уыдысты 6,7 миллиард ларийы, кæцы у прогнозгонд бæрцæй 100,5%. Банысанкæнинаг у, цæмæй 2025-æм азы фыццаг кварталы кæрон паддзахадон бюджеты æмæ бынæттон бюджетты баланстыл æвæрд æрцыд 1,7 миллиард æмæ 0,7 миллиард лари.

Уæлдæр ранымадгондмæ гæсгæ ноджы иу хатт фæбæлвырд кæндзыстæм, цæмæй кæд æмæ плангонд бюджетон индикаторы реализацийы проблемæтæ нæй, уæддæр бюджеты æфтиагон хай æгæр æххæстгонд цæуы, æмæ бюджетон хæстæ реализацийы фæдыл арæзт æнхъæлцтæ ноджы иу мæнгдзинад æмæ спекуляци сты» -ис фыст фидиуæны.