Курæг стæм Гуырдзыстоны хицауадæй, ногæй ауадзой æвзæрстытæ, конкретон уавæртæ æмæ стандарттæ бахъахъхъæнгæйæ, кæцытæн кад кæнæм Евроцæдисы, – уый фæдыл Европарламенты уæнг, Евроцæдисы польшæйаг депутат Михау Шерба расидтис.

Михау Шербайы ныхасмæ гæсгæ, европарламентаритæ Гуырдзыстоны сты гуырдзиаг адæмы тыххæй.

«Фыццаджы дæр ам стæм уыцы гуырдзиаг адæмæн, кæцытæ уынгты протест кæнынц, æрмæст Тбилисы нæ фæлæ ма æндæр горæтты дæр, уымæн æмæ сæ фæнды ацы бæстæйæн европон фидæн. Гуырдзыстонæн Евроцæдисы кандидаты статус лæвæрд æрцыд конкретон уæлæмхас уавæртимæ, уыцы уавæртæй иу у сæрибар æмæ рæстадон æвзæрстытæ. Фæнды нæ зæгъын, цæмæй ацы æвзæрстытæ нæ уыдысты сæрибар æмæ рæстаг. Курæг стæм Гуырдзыстоны хицауадæй, ногæй ауадзой æвзæрстытæ, сыххæст кæнгæйæ конкретон уавæртæ æмæ уыцы стандарттæ, кæцытæн кад кæнæм Евроцæдисы», – расидтис Михау Шерба.

Уымæй дарддæр ма, Михау Шерба куыд банысан кодта, афтæмæй «ныр Гуырдзыстоны президент у иунæг чиновник, кæцыйæн ис æххæст легитимондзинад».

«Уый у комкоммæ æвзæрст æмæ уый у ацы бæстæйы лидер. Мах йемæ хъуамæ æмкуыст кæнæм, цæмæй Гуырдзыстон адарддæр кæна йæ фæндаг Евроцæдисмæ», – расидтис Михау Шерба.