Гуырдзыстоны Евроцæдисы  минæварад  Уæрæсе æмæ Гуырдзыстоны æхсæн  конфликты  11  азы сæрмæ  гæсгæ  фидиуæн  хæлиу кæны.

«11 азы рацыд  Уæрæсейы Федерацийы  æмæ Гуырдзыстоны æхсæн  2008 азы   агусты  конфликты фæстæ. Ацы периоды дæргъы, Уæрæсей  Федераци  æхсæнадæмон барады  æмæ 2008 азы  12  августы бадзырдæй  йæхимæ цы хæстæ райста  уыдоны  хæлдæй  æнææрмæст  ныууагъдта, фæлæ  ма ноджы райрæзын  кодта æфсæддон  уæвынад  куыд Абхазы афтæ  Хуссар Ирыстоны.

Конфликтæй зианбавзарæг  цæрджыты   фундаментон    адæймаджы бартæ фæстæмæ  хæлд цæуынц,  уый  нымæцы  бынативды  сæрибар арæнæвæрды фæндагæй  а.х.  «бордеризацийы»,  ахизæн пунктыты  рæстæгмæ æрыхгæды  æмæ æнæзакъонон  ахстыты  фæрцы, афтæдæр   тыхыбын бынативгæ  уæнгты æмæ  лигъдæтты  æдас æмæ  аккаг  æрыздæхыны  бар халыны  фæрцы.

Гуырдзыстоны æрцæугæ  конфликттæ   миншгай  адæймагы тыхыбын  бынативын æмæ  царды  кæронмæ травма   расайдта.  Ацы бындариуæг  фæлæтæртæм  æндавы  абон дæр.  Евроцæдис райы  æмæ йæ  фарс хæцы  гуманитарон  æмæ æдасдзинады  фарстаты аскуыддзагыл ориентацигонд  алы  фарсы  æргомзæрдæ  æмæ  аполитикъон  архæйдтæн.

1990-æм азтæй райдайгæйæ  Евроцæдис Гуырдзыстоны  конфликтты  сабырадон фæндагæй   аскуыддзаг баахъаз кæнын архайдта.  Ацы тыхархайд  сæрмагондæй   райрæзтис 11  азы размæ æмæ  абоны онг дарддæр кæны.  Евроцæдис адарддæр кæндзæн ацы  тыхархайд, уый нымæцы Хуссар Кавказ  æмæ  Гуырдзыстоны  кризисты фарстаты  Евроцæдисы   специалон  минвары  куысты, Женевæйы  æхсæнадæмон дискусситы  æмсæрдары рангы  бастдзинады æмæ  бынатыл  иунæг  æхсæнадæмон  цæстдарæгон  миссийы –  Евроцæдисы  цæстдарæг миссийы куысты фæрцы» –  банысангонд у  фидиуæны.

Афтæма,  минæварады  фидиуæны мидæг куыд дзырдæуы  афтæмæй,  Евроцæдис адарддæр кæндзæн   Гуырдзыстоны суверенитет æмæ  территорион æнæхъæндзнадæн  фарс хæцын бæстæйы æхсæнадæмонæй  нымад арæнты.

Гуырдзыстоны Евроцæдиси минæварады веб-фарсыл  банысангонд у, цæмæй  фидиуæн  публикаци цæуы  Гуырдзыстоны  аккредитацигонд  Евроцæдисы  бæстæты  мисситы  къухдариуæггæнджытимæ разыйæ.