Венгрийы, Будапешты дзюдойæ цæугæ Дунейы чемпионаты Гуырдзыстоны æмбырдгонд æмхæццæ командон ерысты финалы 4:1 хыгъдæй фæуæлахиз Хуссар Кореайы командæйыл æмæ дунейы чемпионы титул рамбылдта.

Банысанкæнинаг у уый, æмæ уымæн æмæ дзюдойæ командон чемпионат æмхæццæ командæимæ (æртæ нæлгоймаг, æртæ сылгоймаг) уагъд цæуы, уымæ гæсгæ Гуырдзыстоны иугонд командæ фыццаг хатт рамбылдта дунейы чемпионат (гуырдзиаг дзюдоисттæ дыууæ хатт систы бронзæ призертæ), уымæй размæ Японийы иугонд командæ авд хатты фæд-фæдыл чемпионат никæмæн радта. Ацы аз, Дунейы чемпионаты агъоммæ, Гуырдзыстоны æмбырдгонд апрелы æмхæццæ командон ерысты Европæйы чемпион ссис.

Зæрдыл дарын хъæуы уый, æмæ 16-æм туры гуырдзиаг дзюдоисттæ 4:1 хыгъдæй фæуæлахиз сты Китайы æмбырдгондæн, цыппæрæм хайы та 4:0 хыгъдæй фæуæлахиз сты Италийæн, æрдæгфиналы та дунейы авд хатты чемпион, Японийæн 4:2 хыгъдæй фæуæлахиз сты.

Æрæджы фæуæвæг Дунейы чемпионатыл, Гуырдзыстоны æмбырдгонд индивидуалон ерысты цыппар майданы рамбылдта – Этер Липартелиани (57 кг) дунейы чемпионат банысан кодта, Тато Григалашвили (81 кг) æмæ Гурам Тушишвили (+100 кг) вице-чемпионтæ систы, Лука Майсурадзе (90 кг) та бронзæ майдан рамбылдта.