Миланы æмæ Кортинайы цæугæ зымæгон олимпиадæйы нæлгоймæгты æхсæн сæрибар программæ Ника Егадзе сæххæст кодта. Тæрхонгæнджытæ йын радтой 154,79 баллы.

Никайы ралæудмæ гæсгæ, Гуырдзыстоны балæн уыд 50 баллы æмæ командон хыгъдлæвæрды цыппæрæм бынатыл уыд. Цæмæй майдан рамбулой, уый тыххæй æртыккаг бынатыл уæвæг Италиимæ дыууæ баллы дефицит аиуварс кæнын бахъуыд, фæлæ италиаг Маттео Риззойы эффективон хъазт Никæйæн ахизыны фадат нæ радта. Уымæ гæсгæ, Гуырдзыстон цыппæрæм бынат бацахста фигурон бырыны къордон ерысты æмæ бронзæ майданмæ тынг хæстæг уыд.

Уæ зæрдыл уын æрлæууын кæндзыстæм, командон ерыстæ арæзт сты цыппар дисциплинæйæ: спортивон кæфтытæ, кæцыты сæхи равдыстой Дэвис-Смолкины къай (7 баллы); спортивон къæйтæ –  Метелкина-Берулава (9 баллы); Сылгоймæгты иунæгæй – Губанова (9 баллы); Нæлгоймæгты æхсæн иунæгæй – Эгадзе (6 баллы).

Фигурон бырынæй командон ерысты кæронбæттæн бынæттæ дихгонд æрцыдысты афтæ:

1. АИШ (69 баллы)
2. Япони (68 баллы)
3. Итали (60 баллы)
4. Гуырдзыстон (56 баллы)
5. Канадæ (54 баллы)