АИШ-ы президент Дональд Трампы Сирийы сæрмагонд минæвар Стив Уиттакер 6 кæнæ 7 августы Уæрæсемæ ныццæудзæн – уый фæдыл АИШ-ы президент журналисттæн расидтис.

Журналист бафарста Трампы, цы уыдзæн, Уæрæсейæн дæсбонон æмгъуыд куы фæуыдзæн, уæд.

“Уыдзæн санкцитæ, фæлæ уыдон бæрæг сты санкцитæй хи бахизынмæ. Уæдæ фендзыстæм, цы æрцæудзæн, фæлæ Стив ныртæккæ йæ хъус дары Газæмæ, цæмæй адæмæн уа хæринаг. Гæнæн ис æмæ ацæуа Уæрæсемæ иннæ къуыри, майрæмбоны кæнæ цыппæрæмы. Фæндыд æй фенын, æрдомдтой фембæлын. Уæдæ фендзыстæм, цы æрцæудзæн”, — загъта Трамп.

АИШ-ы президент афтæдæр банысан кодта, цæмæй фæстаг рæстæджы фæмардуæвæг уырыссаг æфсæддæтты нымæцы тыххæй хъусын кæнынц, кæцы тынг бæрзонд у, æмæ уымæй дарддæр ма уыцы горæттæ, цыран ракетæтæ æхсынц.

«Æгæр бирæ адæймаг фæмард ацы абсурдон хæсты. Куыд зонут афтæмæй, мах баурæдтам бирæ бæстæйы хæстмæ ацæуынæй – Инди æмæ Пакистан – мах баурæдтам бирæ бæстæйы хæстмæ ацæуынæй, æмæ ацы хæст исты хуызы бауромдзыстæм. Уый у æцæгæйдæр æвирхъау хæст» – райхъусын кодта Трамп.