Æз тынг фыдæнхъæл дæн Уæрæсейы президент Владимир Путинæй – уый фæдыл АИШ-ы президент Дональд Трамп THE SCOTT JENNINGS RADIO SHOW-имæ телефонæй интервьюйы рæстæджы райхъусын кодта.

«Мæнæн йемæ кæддæриддæр уыд стыр æмахастытæ.Тынг фыдæнхъæл дæн.Мингай адæймаг мæлы.Уыдон америкæгтæ не сты, уыдон сты уырыссæгтæ æмæ украинæгтæ.Æз президент куы уыдаин, уæд ацы хæст нæ райдыдтаид.Фæкæсæм цы æрцæудзæн, фæлæ тынг фыдæнхъæл дæн президент Путинæй», – расидтис Трамп.

АИШ-ы президенты ныхæстæм гæсгæ, «уый æппæт дæр сараздзæн, цæмæй адæмæн баххуыс кæна цæрынæн».

«Алцыппæт сараздзынæн, цæмæй адæмæн баххуыс кæнон цæрынæн. Ныхас Украинæйы тыххæй нæу, дзырд цæуы цæрæг адæмы тыххæй. Алы къуыри 7000 адæймаг мæлы, уыдонæй фылдæр сты æфсæддонтæ. Хъуыды кæнын, мæ бон у уый бауромын æмæ хæсджын дæн уый саразын», – расидтис Трамп.