Ереваны ныртæккæйы цыд æркæны конкретон архайдтытæм, кæцытæ сты Уæрæсейы интересты ныхмæ, загъта Уæрæсейы Фæсарæйнаг хъуыддæгты министрады пресс-спикер Мария Захарова Санкт-Петербургы æхсæнадæмон экономикон форумы.

«Уый у æрмæстдæр ноджы иу дæнцæг, официалон Ереван ныгуылæйнаг бæстæтимæ æмгуыстад фæтыхджындæр кæныны тыххæй цы конкретон къахдзæфтæ сарæзта, уыдонæн. Фæлæ практикæйы ацы къахдзæфтæ æркæнынц Уæрæсейы интересты ныхмæ конкретон архайдтытæм», — банысан кодта Уæрæсейы Фæсарæйнаг хъуыддæгты министрады минæвар.

Уæрæсейы æттаг хъуыдтæгты министрады сидынц, цæмæй Сомихыстон хъуамæ сараза æмбаргæ æвзæрст Евразиаг экономикон цæдисы уæнгдзинады фæдыл.

2025 азы Сомих райста закъон республикæйы Евроцæдисмæ бацæуыны фæдыл.

Уæрæсейы президент Владимир Путин куыд банысан кодта, афтæмæй Сомих куыд гæнæн ис афтæ тагъддæр хъуамæ аскъуыддзаг кæна, баиу уа Евроцæдисмæ æви баззайдзæн Евразиаг экономикон цæдисы.