АИШ-ы президент Дональд Трамп расидтис, цæмæй НАТО-имæ бадзырдмæ баххæсыд, цæмæй альянсы фæрцы Украинæйæн лæвæрд æрцæуа америкаг хæцæнгæрзтæ. Уый фæдыл Трамп NBC-йæн телефонон интервьюйы рæстæджы фæныхас кодта.

АИШ-ы президент куыд бамбарын кодта, афтæмæй америкаг хæцæнгарзы аргъ æххæстæй бафиддзæн альянс.

«НАТО 100% финансир кæны ацы хæцæнгæрзтæ. Цы кусæм уый у хæцæнгæрзтæ НАТО-мæ æрвитын, æмæ уый фæстæ НАТО ацы хæцæнгæрзтæ Украинæмæ ратдзæн. Альянс ацы хæцæнгæрзты æппæт аргъ бафиддзæн. Мах «Патриотты» НАТО-мæ æрвитæм, æмæ уый фæстæ та НАТО сæ апарахат кæндзæн» – расидтис АИШ-ы президент.

Уымæй уæлдай ма, Трамп расидтис, цæмæй фидæн къуыри Уæрæсейы фæдыл нысаниуæгджын расидæн сараздзæн, кæд æмæ лыстæгдзинæдтыл нæ фæныхас кодта, уæддæр.

«Фыдæнхъæл дæн Уæрæсейæ, фæлæ фендзыстæм цы æрцæудзæн æввахсдæр цалдæр къуырийы мидæг.Хъуыды кæнын, дыццæджы Уæрæсейы фæдыл нысаниуæгджын расидæн сараздзынæн» – райхъусын кодта Трамп.