АИШ-ы æвзæрст президент Дональд Трамп Францмæ æрцыд, цыран Нотр-Дам -ы байгом кæныны церемонийы æндæр дунейы лидертимæ иумæ уыдзæн. Уый фæдыл «Франц 24» хъусын кæны.

Президентон æвзæрстыты фæуæлахизы фæстæ, Трампы фыццаг визит у фæсарæнтæм. Парижы Орлийы аэропортмæ Трамп сæрмагонд хæдтæхæгыл æрцыд.

Визиты фæлгæтты плангонд у Дональд Трамп æмæ Францы президент Эммануэль Макроны æхсæн дыууæфарсон фембæлд. Парижы Украинæйы президент Владимир Зеленский дæр ис.

Елисейаг галуаны информацийæ, Трампимæ фембæлды фæстæ, Эммануэль Макрон Украинайы лидеримæ дывæрсыг ныхас дæр сараздзæн.
Уымæй уæлдай ма уый размæ фæсарæйнаг медийы ахæлиу ис ног хабæрттæ, цæмæй гæнæн ис æмæ Францы сырæза Дональд Трамп æмæ Владимир Зеленскийы æхсæн фембæлд. Фæлæ Украинайы президенты делегаци гæнæн фембæлды фæдыл коментар нæ сарæзта.

Информацимæ гæсгæ, Парижы Нотр-Дамы кафедралон аргъуан 2019 азы зынгсирвæзты фæстиуæгæн бахъыгдард ис. Сноггонд аргъуаны райсом уыдзæн фыццаг куывд.