Аляскæйы, Анкориджы, АИШ æмæ Уæрæсейы президентты фембæлд райдыдта.

Дональд Трамп æмæ Владимир Путины фембæлд æртæ-æртæ форматы цæуы.

Фембæлдыл АИШ-ы паддзахадон нымæрдар Марко Рубио æмæ америкаг фарсы сæрмагонд минæвар Стив Уиткопф исынц хайад. Уæрæсейаг фарсы хайад исынц фæсарæн хъуыддæгты министр Сергей Лавров æмæ Уæрæсейы президенты уынаффæгæнæг Юрий Ушаков.

Разамонджытæ дзурынц тæлмацгæнæджы уылты.

Бадзырдты агъоммæ АИШ æмæ Уæрæсейы президенттæ ницы расидæнтæ сарæзтой.

Æртæ-æртæйы фембæлды фæстæ, америкаг фарсы æрдыгæй бадзырдтæ уагъд æрцæудзысты уæрæхгонд форматы, паддзахадон нымæрдар Марко Рубио, казначействойы министр Скотт Безант, базарады министр Говард Лутник, АИШ-ы сæрмагонд минæвар Стив Уиткопф æмæ Централон развæдсгарæн агентады директор Джон Ратклиффы хайад райсдзысты.

Уæрæсейаг делегацийы тыххæй та, мæскуыйаг официалон информацимæ гæсгæ, йæ сконды сты президенты æххуысгæнæг Юрий Ушаков, фæсарæйнаг хъуыддæгты министр Сергей Лавров, хъахъхъæнынады министр Андрей Белоусов, финансты министр Антон Силуанов æмæ фæсарæйнаг бæстæтимæ инвестицион æмæ экономикон æмгуыстады фæдыл президенты сæрмагонд минæвар Кирилл Дмитриев.