АИШ-ы президент Дональд Трамп йæ къух æрфыста Сабырадон Советы уагæвæрдыл. Церемонийы Трампы ныхасы фæстæ Урс Хæдзары пресс-нымæрдар Каролайн Левитт куыд расидтис афтæмæй, Сабырады Совет ныр официалонæй у æхсæнадæмон организаци, цæй фæстæ та уæнг бæстæты лидертæ уагæвæрд бафыстой.

Къухтæ бафыссыны церемони уыд Давосы дунеон экономикон форумы. Мадзалы архайдтой Æввахс Скæсæн æмæ Хуссар Америкæйы минæвæрттæ — Сауды Аравийæ, Катарæй, Иугонд Араббаг Эмираттæй, Аргентинæйæ æмæ Парагвайæй, афтæ ма Венгрийы премьер-министр Виктор Орбан, Сомихы премьер-министр Никол Пашинян æмæ Азербайджаны президент Ильхам Алиев.

Трампимæ сценæйыл æрбаиу сты 20 бæстæйы бæрц минæвæрттæ, кæд æмæ АИШ-ы иу традицион ныгуылæн европæйаг æмцæдисон дæр нæ уыд.

Дональд Трамп церемонийы раныхасы куыд расидтис афтæмæй, Сабырадон Совет æмгуыст кæндзæн бирæ æндæр организацитимæ, се æхсæн ИНО-имæ дæр.