Евросоветы парламентон ассамблеймæ  Уæрæсейы  æрыздæхт нæ нысан кæны, Хъырымы анексийы  нымадмæ райст, фæлæ  уымæ  æнæкæсгæ, Уæрæсе нæ хъавы  Хъырымы æрдæгсакъадахы статусмæ ногæй  æркæсын  æхсæнадæмон   æмвæзадыл –  уый тыххæй, Уæрæсейы президенты  пресс-спикер  Дмитрий Песков Украинаг медиимæ ныхасы рæстæджы  загъта.

«Сымах зонут,   цæмæй  европаг минæвæрттæм  ацы  фарстайыл хъауджыдæргонд хъуыдыйы  бар ис.  Афтæдæр зонут, хъырымæгты  æмæ уырыссæгты, афтæдæр Уæрæсейы  къухдариуæгады  позици.  Хъырым  Уæрæсейы  Федерацийы  æнæдихаг хай у, у  Уæрæсейы  Федерацийы  субъект  æмæ  Хъырымимæ  баст  цыдæр фарстатæ,  иунæг бæстæйы æрдгæй дæр,  нæ цæудзæн каст,  уæлдайдæр  æхсæнадæмон æмвæзадыл», –  райхъусын кодта Дмитрий Песков.

Уæрæсейы   президенты пресс-нымæрдары фидиуæнæй,   Уæрæсейы делегацийы  æрыздæхт   Евросоветы парламентон ассамблеймæ у «Æнæниз хъуыдыйы  уæлахидзинад».

«Дзырдæуы  Мæскуыйы дипломативон уæлахиздзинадыл нæ фæлæ, у æнæниз  хъуыдыйы, уымæн æмæ  Европæйы Советы  парламентон ассамблейæн йæ бон нæу  æххæстаргъджынæй  куса æнæ Уæрæсейы делегацийæ», – банысан кодта Дмитрий Песков.

Евросоветы парламентон ассамблей райста уынаффæ,  кæцыйæ дæр  Уæрæсейы  делегаци,  июны сессимæ  хайад райсынæн  æрцæудзæн хуынд. Резолюцийы  текстмæ гæсгæйæ,  ассамблейы æмæ йæ   органты  уæнгты  схъæлæс кæныны, ныхасы æмæ   минæварады  бар  урæд ма хъуамæ  цæуа.

Евросоветы парламентон ассамблеймæ Уæрæсеæйы æрыздæхынæн   Гуырдзыстон йæ  фарс  нæ рахæцыд.   Резолюцийы  ныхмæ  схъæлæс  кодтой афтæдæр,   Украинайы, Польшайы, Лиетувайы, Латвийы, Стыр Британийы, Эстонийы æмæ Швецийы  делегацитæ.