Димитри  Шеварднадзейы номыл  националон галереяйы  метафизикъон   нывкæнынады  бындурæвæрæг  Джорджо де Кирикойы (1888-1978) куыстыты   равдыст  байгом ис.  Равдыстмæ – «Эзотерик де Кирико. Дыууæ дунейы æхсæн бæлццон» –  æвзæрст æрцыд 1920-1970  азты  æхсæн  фæлдыст  йæ  фынддæс  ныв.

Равдысты  байгомыл Гуырдзыстоны президент  æмæ  Гуырдзыстоны Италийы  минæвар  уыдысты.

«Тынг нысаниуæгджын  у Гуырдзыстонæн, ам  кæй  цæуы  уагъд Европаг  æмвæзады  равдыстытæ.  Ай у уыцы  æмвæзад,   кæцыйыл амбæлдзыстæм паризы,  Берлины, Ром æмæ  æндæр  сæйраг сахарты. Мах сæблвырд кодтам  нæ  цивилизацийæ  æмæ нæ ивгъуыдæй, цæмæй  Европæйы  хай  стæм  æмæ  нæм ис уыцы  культурон æмвæзад,  кæцыйы руаджы   уыдонæй  нæ  афæстиат уыдзыстæм» -райхъусын кодта  равдыста  аргълæвæрды рæстæджы  Гуырдзыстоны президент  Саломэ Зурабишвили.

Сюрреализмы  иуæй-иу  стырдæр  разæууæлæй  де Кирикойы  метафизикъон  нывкæнын  у нымад. Нывгæнæг  сахарты  структурæты, хæдзæртты архитектурæйы, квадратты,   паркъты, æхсæнадон цыдтæ, къулдуæрттæ,  æмæ  æфсæнвæндаджы  станцæтæ æвдисы  цæхæртæ калæг   рухсыты,  аууон æмæ  дырыс  хуызты фæрцы.  Нывгæнæджы  куыстыты  арæх  разынынц  антикон  æмæ ренесансон  мотивтæ.