Британийы ног премьер-министрæй  сывзæрстой Лиз Трасы.  Хъæлæскæнынады фæстиуджытæ  цъус рæстæг размæ  райхъусын кодтой Британийы «Консервативон  партийы»  æмбырдыл.

Ног премьер сом  Шотландимæ абалц кæндзæн, цы ран  Британийы  Успадзах  Элизабет  дыккагимæ йын уыдзæн аудиенци. Мадзалыл  Успаддзах  премьерæн  ног хицауады сфидар кæнын бахæс кæндзæн.

Консервативон партийы  лидеры æмæ уымæ æмбæлгæйæ  Британийы  премьеры постмæ  фæсарæн хъуыддæгты  министр Лиз Трасимæ иумæ къазнайы   раздæры канцлер  Риши Сунаки  дæр тох кодта.

Лиз Трас  Маргарет  Тетчеры æмæ Тереза Мэйы фæстæ, Британийы  историйы  æртыккаг   сылгоймаг премьер у.

Хъæлæскæнынад Консервативон партийы цалдæр къуырийы  дæргъы цыд. 2015 азæй, абоны  онг   Лиз Трас   суыдзæн  британийы  цыппæрæм  премьер Консервативон партийæ.

Йæ æвзарæнон кампанийы  фæлгæтты, Лиз Трас  хъусын кодта, цæмæй  æнæаргъæвгæ мадзæлттæ скæндзæн  Стыр Британийы цæрæн  уавæртæ  рæзты  фарста алыг кæнынæн  æмæ  уæлахиздзинады  цауы, иу къуырийы дæргъы  бавдисдзæн   архайадон план   энергийы  рæзгæ  æргъты проблемæ аскуыдздагæн.