Стыр Британийы фæсарæн  хъуыддæгты  министрад публикаци скодта  Уæрæсейы  агрессийы  æвдисæг  видео, кæцыйы мидæг Гуырдзыстон ис   уырыссаг агрессийы ранымады.

Британийы  фæсарæн хъуыддæгты  уагдоны  Twitter-ы  официалон  фарсыл  публикацигонд    видеойы дзырдæуы, цæмæй  Уæрæсейы  æвдисы  æргом æмæ   æнæцыт  ахаст Гуырдзыстоны  территорион  æнæхъæндзинад æмæ суверенитеты æрдæм». Видеойы  æвдыст цæуы   азтæм гæсгæ Уæрæсейы  сæххæст агресси.

Райдианæй æвдыст у  2006 аз  æмæ   Александр  Литвиненкойы  марындзинад. Йæ фæстæ  цæуы 2008 аз æмæ   Мæскуыйы æрдгæй  Гуырдзыстоны ныхмæ  сæххæст   агресси, уый фæстæ та  2014 аз  æмæ  Уæрæсейы æрдгæй Хъырымы аннексий.

Афтæдæр æвдыст у, 2015 азы  Уæрæсейы æрдгæй, Германийы парламенты æмæ  Данийы  хъахъхъæнынады   æмæ фæсарæн хъуыддæгты  министрадтæм кибер-бырст.  Ранымадмæ афтæдæр хаст у  Уæрæсейы  æрдгæй  Монтенегройы  æвзæрстытæм хифæкæнын  æмæ  Украинæйы  ныхмæ сæххæст   дзырдæхæссынадон  кампани.

Стыр Британийы  фæсарæн хъуыддæгты  министрады публикацигонд видеойы хатдзæгы куыд дзырдæуы афтæмæй,   æрнымадгонд фактытæй бæрæг у, цæмæй «Кремлы фæнды æхсæнадæмон барадыл бындурæвæрд  системæйы фехалын».

Фæсарæн хъуыддæгты   уагдон социалон  хызагы  хъусын кæны, цæмæй  4 марты  Солсберрийы  æрцæугæ фæхъæстæйы  факт, Уæрæсейы  агрессийы  дарддæрдзу у.

66 аздзыд Сергей Скрипал 33 аздзыд чызгимæ иумæ  уадзыг уавæры   сахар Солсберрийы  4 марты   ссардтой.  Полицийы  информацийæ,  сæ фæхъæстæ кæнынæн спайда кодтой нервон системæйы парализгæнæг  буарад.  Уый тыххæй  Британи Уæрæсейы бæрзонддæр  хицауадимæс алыгъуызон  æмвæзадыл ахастытæ аскуыдта.