Цæугæ  Дунейы   чемпионатыл,   знон ацыдысты радон  матчытæ, кæцыты фæстиуæгæн фæбæрæг сты æстæмфиналы   ноджы цыппар хайадисæг æмбырдгонд.

Мæскуыйы  «Спартакы»  Бразилийы  æмбырдгонд  фембæлд Сербийы националон æмбырдимæ. Матч  райдыдта  ныллæг темпы æмæ афтæ адаргъ ис.  Сербийы хъуыдис рамбулын, Бразилиæгтæн та  хæрæгсаст дæр фаг уыдис.

Фыццаг гол   36-æм минуты   федтам,   Филипе Коутиньо даргъ   пасæй  дуаргæсимæ ныхæй-ныхмæ  куы  ныууагъдта  Паулиньойы  æмæ   ацы фæстаг та  йæ  шанс  нæ  фæкъуыхцы кодта – 0:1  æмæ   фыццаг тайм  ахæм  хыгъдæй  фæцис.

Дыккаг таймы  Серби   цалдæр  тæссаг   момент   сарызта  æмæ  зæгъæн ис, цæмæй  фондз минуты бæрц Бразилий æмбырд   сæрмагонд иварон фæзыгæй  рахизын хъом нал уыдис.  68-æм минуты  та  радон гол  фæстæмæ   Бразилий баппæрста,  къуымон  зæбулцæфы фæстæ,  пуртийы  размæ  сеппæтæй  цырдæй  Тиагу Сильва куы  рагæпп кодта, йæ  сæрæй  бакъуырдта æмæ   хыгъд ссис -0:2.

Уый фæстæ  æнæкæсгæ   цалдæр  дзæбæх моментмæ,   хыгъд  нал аивдта  æмæ  къорды  фыццаг  бынатыл  цæвæг  Бразили æстæмфиналы, фембæлдзæн Мексикæйы æмбырдгондимæ.

Цыдæриддæр та  параллелон   матчмæ æххæссы,   уый  Нижний Новгороды  стадионыл   сырæзт  æмæ   кæрæдзиимæ  хъазыдысты  Швейцарийы æмæ Коста-рикайы  æмбырдгæндтæ.   Коста-Рика   ацы  матчмæ рацыд æнæмотивацийæ,  уымæн æмæ  дыууæ  матчæй  дыууæйы дæр фембылд ис  æмæ йæм æстæмфиналы  хъацыны шанс нал уыд, Швейцырий та  гæнæн уыд   састы цауы дæр ахызтаит  иннæ этапмæ, кæд   Сербий  Бразилийæн нæ рамбылдтаит уæд.

Матчы  бирæ  голтæ  уыдис  æмæ  Коста-Рика  Чемпионатыл   фыццаг æмæ иунæг  балл  райста.  Хыгъд фæкъæртт кодтой Швейцариæгтæ, сæрмагондæй  та   Джемаили, фæлæ  дыккаг  таймы  Кендалл Вастон  хыгъд сæмбæрц кодта.  Ахæм хыгъд уыдис матчы 88-æм минуты онг,  æмæ фæстаг цалдæр минуты та  ноджы  дыууæ къæм   федтам: нырма  швейцариаг   Дрмич  раразмæ кодта йæ  балл, уый фæстæ  æнахуыр  пенальти дæр федтам: Брайан  Руисы  цæф нырма  штангæйыл сæмбæлд, уый фæстæ  дуаргæсæн йæ сæрыл æмæ  афтæмæй  батылдис  дуæрттæм.  Уый фæстиуæгæн   фæстаг  гол дуаргæс Зоммерæн автоголыл банымадтой.

Ай  уыдис фыццаг цау  ацы чемпионатыл,  дуаргæс   автогол  куы баппæрста.

Матч фæцис  хыгъдæй  2-2, Швейцарийы  æмбырдгнонд  къорды   дыккаг бынатыл баззад æмæ  æстæмфиналы  Швецийы  æмбырдгондимæ  схæцдзæн.

Рафыссут нæ  уникалон аппликаци   FIFA 2018! Android  iOS

Æмæ  уæм уыдзæн фадат,  оперативонæй   базонат  алы  цымидисон  хабаримæ,   матчыты  бæлвырд  ранывæст, фæстиуджытæ  LIVE-режимæй  æмæ  саразат  уæхи сæрмагонд прогноз!

Матчыты  бæлвырд  ранывæзт  -Дунейы Чемпионат  Фыццаг Къаналыл!