Гуырдзыстоны ныры къухдариуæгад арæзт у прагматиктæй, бæлвырд кæнынц сæ курс Евроцæдисы æрдæм, фæлæ æмрæстæджы æмбаргæйæ, цæмæй ахæм цауы бæстæйы бахъæудзæн ныууадзын йæ хъæууон хæдзарадон продукттæй зындгонд бæстæ уæвын – расидтис Уæрæсейы æттаг хъуыдтæгты министр Сергей Лавров.

Йæ ныхасмæ гæсгæ, цыфæнды аграрон бæстæ, кæцы дыккаг кæнæ æртыккаг ауæрæхы уылæны рæстæджы бацыд Евроцæдисмæ, фесæфтаид йæ хъæууон хæдзарад, уымæн æмæ Евроцæдисы ис «раззагдæр бæстæтæ», кæцытæн ис сæхи хъæууон хæдзарад, сæхи интерестæ æмæ сын ис сæхи фермертæ.

Уымæй дарддæр ма, Лавров куыд банысан кодта афтæмæй, Гуырдзыстон æмæ Уæрæсейы æхсæн ахастытæ регуляронæй даргъ кæнынц.

«Ныртæккæ Гуырдзыстоны базарадон æрзылды 70% цæуы Уæрæсейæ æмæ æндæр СНГ бæстæтæй. Афтæ дæр ис æмбæлон стыр хай Китай æмæ æндæр бæстæтимæ базарады. Уымæ гæсгæ, кæд æмæ Гуырдзыстон Евроцæдисмæ бацæуын æскъуыддзаг кæндзæн, уæд æппæт уыдæттæ уыдзысты серьезонæй фарста, Брюссель ног уæнгтæм цы домæнтæ æвæры, уыдонмæ гæсгæ, Уæрæсейы ныхмæ санкциты баиу кæныны домæнтæ нæ дзурын, æппæт политикæ банымайын Еврокомисы уынаффæтæ æмæ архæйдтытæ æмæ афтæ дарддæр куыд банысан кодтон, афтæмæй мæ уырны, цæмæй Гуырдзыстоны ныртæккæ ис прагматиктæ, бирæбæрцæй, нæ ахастытæ даргъ кæнынц регуляронæй уырдæм æрцæуын æмæ гуырдзиаг æрдзæй æмæ гуырдзиаг уазæгуарзондзинадæй æхцондзинад исын» – банысан кодта Лавров.