Евроцæдисы æттаг хъуыддæгты æмæ æдасдзинады политикæйы раздæры уæлдæр минæвар Федерика Могерини æмæ Европæйы къамисы хистæр бæрнон Стефано Саннино сты æртæ адæймаджы нымæцы, кæцыты Бельгийы полици æрцахста коррупцийы хъуыдтагы фæдыл. Евроактив хъусын кæны.

Стефано Саннино куыста Европæйы æддагон архайды службæйы генералон нымæрдарæй, Могеринийы уæлдæр минæвары рæстæджы. Ныртæккæ у Европæйы къамисы Æввахс Скæсæны, Цæгат Африкæйы æмæ Персы бакæлæны генералон директор.

Раздæр Евроактив хъусын кодта, цæмæй Бельгийы полици басгæрста Европæйы æттаг архайды службæ æмæ Европæйы колледж Брюггейы, афтæ дæр цалдæр хæдзары, Евроцæдисы фæрæзтæй æнæраст пайдайы фæдыл фæдагуырды фæлгæтты.

Медийы информацийæ, хъуыдтаг хауы Брюггейы æвзонг дипломатты академийы финанскæнынадмæ.

Федерика Могерини 2020 азæй у Европæйы колледжы ректор, 2014-æм азæй 2019-æм азмæ Евроцæдисы æттаг хъуыддæгты æмæ æдасдзинады политикæйы уæлдæр минæвары бынат ахста, 2022-æм азæй та у Брюггейы академийы директор.

Евроактивайы информацийæ, ахстгондты нымæцы ис Европæйы колледжы ноджы иу кусæг. Медийы информацийæ, полици документтæ байста æмæ æртæ адæймагы æрцахста, кæцытæ æнхъæлмæкæсинаг сты æлхæдты фæсайды, коррупцийы æмæ интересты конфликты. Æвдисæнты ныхасмæ гæсгæ, Евроцæдисы æттаг хъуыдтæгты министрадмæ барадхъахъæнджытæ абон райсомæй æрцыдысты. Еврокамис бæлвырд кæны Евроцæдисы æттаг архайды куысты бæстыхайы басгæрст.