«Базисбанк», регуляторæй æмбæлон разыдзинæдтæ райсыны фæстæ, æнтыстджынæй сæххæст кодта «Либерти Банк»-ы балхæдимæ баст транзакци æмæ ссис «Либерти Банк»-ы акциты 95,99%-ы хицау. Информаци «Базисбанк» парахат кæны.

Сæ ныхасмæ гæсгæ, транзакци Гуырдзыстоны банкъон секторы размæцыды нысаниуæгджын этап у æмæ базары ног фадæттæ аразы.

«Базисбанк»-ы информацимæ гæсгæ, дыууæ æнтыстджын финансон уагдæтты иудзинад, кæцытæн ис æххæстгæнæг тыхтæ, нысаниуæгджынæй ахъаз уыдзæн конкуренцийы фæтыхджындæрæн æмæ клиенттæн алыхуызон финансон продукттæ æмæ лæггæдтæ дæттынæн.

«Базисбанк»-ы веб-фарсыл публикацигонд информацимæ гæсгæ, бизнес-процессты æнæфæцудгæдзинад æмæ дыууæ финансон уагдæтты координиргонд къухдариуæгад сифтонг кæныны тыххæй, «Базисбанк»-ы генералон директор, «Либерти Банк»-ы генералон директоры бынат дæр бацахсдзæн Цава Давид.

Сæ ныхасмæ гæсгæ, ныртæккæйы этапыл дыууæдæр банкъ сæ архайд хæдбарæй адарддæр кæнынц æнæмæнгхъæугæ режимы.

«Базисбанк»-ы клиенттæ лæггæдтæ исдзысты «Базисбанк»-ы, «Либерти Банк»-ы клиенттæ та «Либерти Банк»-ы. Æппæт лæггæдтæ, продукттæ æмæ каналтæ клиенттæн кусынц æнæкъуылымпыйæ æмæ лæггæдтæ дарддæр кæнынц æмбæлон режимы», – дзырдæуы информацийы «Базисбанк»-æй.