Радон матч  Дунейы  Чемпионатыл, кæцыйы  фæлгæтты  фембæлдысты, Швейцарий æмæ    турниры   сæйраг   фаворитыл  нымад  Бразилий. Фыццаг таймы  Бразилимæ  уыд егъау территорион  уæлидзинад,   кæцы  айрæзт  логикъон  голмæ.  20-æм минуты   Фелипе Коутиньо  ивары фæзыгæй рахауд  порти  баурæдта  æмæ  йæ дард уæллаг   къуымы  æрдæм  ныццавдта – 1:0.  Уый фæстæ  Бразилий цымæ  æрсабыр ис  æмæ   швейцариæгтæн ратта  уæгъдæй  сулæфыны   фадат,   уыдон та   цалдæр  цымидисон бырст сæххæст кодтой.

Дыккаг таймы  уавæр  бирæ нал фæивдта,  фæлæ   швейцариæгтыл зындис  цымæ  фылдæр мотивиргонд уыдысты уый  æмæ  тагъд, хаыгъды   фæивын дæр сын бантыстис.  Къуымон зæбулцæфы  фæстæ, порти  сæрæй  ныццавдта  Стивен Цубер  æмæ  хыгъд виппайды  скодта 1:1.  Бразилийы  матчы  рамбулынмæ сцырын ис фæлæ  дунейы  фондзхаттон чемпионтæн къæм баппарын нал бантыстис.  Матчы  кæронбæттæн хыгъд  – 1:1  сфиксир  ис, кæцыйæ  бирæ  райгонддæр баззад  Швейцарий.

Фæдылдзог матчы Бразилий фембæлдзæн Коста-Рикаимæ, Швейцарий  æмæ  Сербиимæ  ахъаздзæн. Дыууæдæр матч  сырæздзæ 22  июны.