Августы  хæсты 12 азы сæрмæ  гæсгæ, ИНО-йы  æдасдзинады  советы уæнг бæстæтæ, Гуырдзыстонæн  фарсхæцæг фидиуæн аразынц.

ИНО-йы  æдасдзинады  советы æхгæд Рабадты  фæстæ, Гуырдзыстоны тыххæй  Бельгийы,  Эстонийы, Францы, Германийы, АИШ-ы, Иугонд Паддзахады, Норвеги æмæ Ирландийы  иумæйаг  фидиуæн  ахæлиу ис, кæцыйы фæстæ,  социалон хызагы, фæнысангонд аст бæстæйы   минæвæртты æрдгæй Гуырдзыстонæн фарсхæцæг фидиуæнтæ  фæзынд.

«Германи æххæстæй  йæ  фарс хæцы Гуырдзыстоны хæдбарадæн, суверенитет æмæ  территорион æнæхъæндзинадæн йæ æхсæнадæмонæй  нымад арæнты. Минæвар Саутер  æрсидтис  Уæрæсемæ,   конструктивонæй баиу уа  Женевæйы  æхсæнадæмон  дискусиитæм  æмæ  сæххæст кæна   6 пунктджын пълан. Ныридæгæн  рагæй  афон у,  Уæрæсе 2008 азы   æхсты фæурæды  бадзырдæй  йæхимæ цы  хæстæ  систæ, уыдон сæххæст кæна.   Йæ гарзджын тыхтæ  хъуамæ ракæна Гуырдзыстоны  территорийæ», –  кæсæм  ИНО-йы   Германийы  официалон минæвары фидиуæны.

«Ацы  къуырийы  Уæрæсе æмæ Гуырдзыстоны æхсæн конфликт райдаынæй 12  азы  æххæст кæны.  Бельги, Эстони, Франц, Германи, АИШ, Иугонд Паддзахад, Норвеги, Ирланди  маст кæнæм уыцы  чысыл прогрессы тыххæй,   кæцы конфликты аскуыддзагы æрдæм ис æмæ бæлвырд кæнæм  нæ  фарс хæцын  Гуырдзыстоны хæдбарад, суверенитет æмæ территорион æнæхъæдзинады æрдæм», – дзырдæуы  ИНО-йы  Францы  минæвары  фидиуæны.

«Мах фæстæмæ  хъæддых йæ фарс хæцæм  Гуырдзыстоны,  конфликт сабырæй  аскуыддзагы хъуыддагæн  æмæ курæг стæм  алы фарсмæ дæр,  фæдывæр кæнæнт  тыхархайд Женевæйы æхсæнадæмон дсикусситы», –  фыссы   Иугонд Паддзахады  минæварад.

«Гуырдзыстон æмæ Уæрæсейы  æхсæн конфликтæй 12  азы сæрыл иумæйаг  фидиуæны ИНО-йы  æдасдзинады  советы  аст архайæг   æмæ дыууæ  ног уæнгæй,  хъæддых йæ фарс  хæцæм  Гуырдзыстоны хæдбарад, суверенитет æмæ  территорион æнæхъæндзинадæн, йæ  æхсæнадæмон  нымад арæнты», – кæсæм   ИНО-йы  Бельгийы  минæварады  фидиуæны.

«Ацы  къуырийы  Уæрæсейы   Гуырдзыстонмæ  лæбурдæй, 12 азы  æххæст кæны. Ноджы иу хатт  курæг стæм Уæрæсейæ  кæронмæ  сыххæст кæна  2008 азы  12  августы æмæ   8 сентябры  бадзырдтæй  йæхимæ  цы хæстæ райста,  уыдон», –  кæсæм  ИНО-йы  Эстонийы   минæварады  фидиуæны.

Уымæй  уæлдай ма, ахæлиу ис ИНО-йы  Эстонийы   иугæндзонархайæг минæвары  хæдивæгы, Герт  Ауварты  фидиуæн дæр:» Фæстаг периоды, Гуырдзыстоны ныхмæ рæзгæ  провокацион  архæйдтæ  уынæм.  Уымæй та уавæр æнæхъæнæй  регионы  тæссонд  кæны. Уый тыххæй дæр  сидын   Уæрæсемæ, æнæаргъæвгæйæ  райдайæт  æхсты глобалонæй фæурæды  фæдыл ИНО-йы  генералон  нымæрдары   æрсидты имплементаци  æмæ скад кæнæт  æхсæнадæмон  барады нормæтæн», –  дзырдæуы  фидиуæны.

Бакой уын кæндзыстæм, 5 августы ацæугæ  ИНО-йы æдасдзинады  советы æхгæд рабадтыл, 2008 азы  августы хæсты фæстæ  Гуырдзыстоны  цы уавæр  сырæзт  уый фæдыл  фæуынаффæ кодтой.  Советы  уæнгтæ   байхъусытой  ИНО-йы    генералон нымæрдары  æххуысгæнæджы, Мирослав Йенчайы  раныхасмæ.  Фембæлд виртуалон   форматы ацыд,  кæцыйыл  уыдысты  Белгийы, Эстонийы, Францы  æмæ  Германийы , афтæма АИШ-ы   æмæ Иугонд  Паддзахады  минæвæрттæ, афтæма  уыдысты ног уæнгты  Норвегийы  æмæ Ирландийы  минæвæрттæ.