Гуырдзыстоны ахуырады, зонады æмæ фæсивæды министрад 2026–2027 ахуыры азæн райдайæн кълæсты ахуыргæнинæгтæн скъолæйы уæлæдарæс балхæндзæн компани «Glory Textile Industry»-йæ.

Уый фæдыл информаци Гуырдзыстоны ахуырады, зонады æмæ фæсивæды министрад парахат кæны.

Сæ ныхæстæм гæсгæ, куыстуатимæ цы бадзырд бафыстой, уымæ гæсгæ скъолайы уæлæдарæсы 1 801 000 иуæджы бахуыйын амынд у.

«Компани Glory Textile Industry-йы хуыйæн фабрикæ ис Китайы Адæмон Республикæйы, скъолатæн формæйы ифтонг кæныны процесс цæудзæн æртæ этапæй, æппæт этаптæ дæр æххæстгонд цæудзысты закъондæттынады домæнтæ æххæстæй æххæст кæнгæйæ æмæ æргомдзинады принциптæм гæсгæ.

2026-2027 ахуыры азæй фæстæмæ райдайæн кълæсты ахуырдзаутæн суыдзæн æнæмæнгхъæуæг скъолайы формæ дарын, кæцы ахъаз уыдзæн скъолаты æмхуызондæр, æнæниз æмæ организацигонд ахуырадон уавæр саразынæн, афтæ ма ахуырдзауты ‘хсæн социалон хицæндзинæдтæ фæкъаддæр кæнынæн.

Ног ахуыры азмæ рæстæгыл сифтонг кæныны тыххæй, Гуырдзыстоны хицауады уагæвæрдæй,  «Ахуырадон фæрæзтæн» лæвæрд æрцыд бар, фæхуымæтæгдæргонд процедурæмæ гæсгæ скъолайы формæ балхæна» -ис фыст Гуырдзыстоны ахуырады, зонады æмæ фæсивæды министрады фидиуæны.