АИШ-ы  Сенаты  бавдыст уыд резолюци, кæцы  гуырдзыстоны  алы  партимæ  сиды, Шарль Мишелы  медиацийæ  19 апрелы   къухбафыст   бадзырд    тагъд сыххæст кæной æмæ  бæлвырд кæны   Сенаты разыдзинад  Гуырдзыстоны территорион æнæхъæндзинад æмæ  евро-атлантикон  тырнынадтимæ.

Конгрессы веб-фарсыл  публикацигонд резолюциы  проект сенатор  Рон Джонсоны  инициргонд у. Уыимæ  разы сты   сенатортæ  Джин Шахин, Джеимс Риш, Крис Ван Холен æмæ  Джон Барасо.

Резолюцийы проекты  кæсæм:

1.Курæг стæм  «Гуырдзиаг Бæллиццæй», «Иугонд Националон Змæлдæй»  æмæ  парламентмæ  æвзæрст  æндæр партитæй, æнæхъæнæй сыххæст кæнæт  Евроцæдисы Советы президент  Шарль Мишелы  банхъард  компромисс.

2.Курæг стæм æвзæрст парламентартæй иууылдæр,  бацахсæт сæ бынæттæ парламенты æмæ   райдайæт кусын  æвæстиатæй  уыцы  быцæусидтытыл,  кæцыты раз лæууы Гуырдзыстон,  сæ нымæцы  «Ковид-19»-ы   пандемийы фæстиуджытæ, лæмæгъ экономикæ  æмæ  быцæусидтытæй æфсæст  регионон  динамикæ.

3.Курæг стæм Гуырдзыстоны хицауадæй,  ауадзæт  системон реформæтæ, кæцы реформæтæ алы  фарсытимæ   инклюзивон æмæ  æргом  консультацион   процессы фæлгæтты  уыд бакуыст, цæмæй  ифтонггонд уа  объективон хæдбар  тæрхонон системæ, кæцы нæ  лæггад кæндзæн  политикон æмæ  партион нысæнттæн, уый нымæцы  Венецийы Комиссийы  æмæ æндæр  экспертты бакуыст  рекомендацитæ исгæйæ  æмæ скусын кæныны фæндагæй.

4.Курæг стæм Гуырдзыстоны хицауадæй, ауадзæт  инклюзивонæй æмæ  æргомæй  бакуыст системон  æвзарæнон реформæтæ, кæцы  алыг кæндзæн  политикон  къуымаы аххосæгтæ  æмæ  кæцыйы фæрц  бæстæ аиуварс уыдзæн  ахæм кризисы ногæй  сæвзæрд, уый нымæцы OSCE-ы  æмæ   ODIHR-ы  рекомендацитæ æххæстæй исгæ æмæ скусын кæныны фæдагæй.

5.Разы стæм, цæмæй политикон ситуаци Гуырдзыстоны фæкарз ис  Уæрæсейы Федерацийы  тыхайрхайдæй, кæцы  здæхт уыдис Гуырдзыстоны  хаос ахæлиу кæныны æрдæм, уый нымæцы   æнæзакононæй  оккупацигонд территоритыл Абхаз æмæ Хуссар Ирыстоны.

6.Мæстыдзинад æвдисæм, цæмæй  демократон институтты æмæ процессты сфидар кæныны  фæндагыл уæвæг  цæлхдуртæ  куылымпы кæнынц  Гуырдзыстоны прогресс евро-атлантикон  интеграцийы  тырнынад сыххæсты æмæ  экономикæ  стынг  кæныны, кæцы  гæнæн ис,  расайа Гуырдзыстонмæ хаугæ æххуысыл  бæрæг домæнтæ сфидар кæнын.

7.Хаххгондæй хъусын кæнæм, цæмæй АИШ  разы у  бирæ  фидардæр  демократи куыд уа Гуырдзыстоны  уыцы  уавæримæ, кæцыйы  хицаугæнæг  институттæ  æвдисынц  фидардзинад,  æххæст цæуы  хыгъдбæрнондзинад  æмæ баланс,  æргомдзинад, фæразон уой йæ ныхмæ лæууын  Уæрæсейы æмæ æндæр  знаггадгæнæг  æндæвдадтæн  æмæ сæ бон у  гуырдзиаг адæмы евро-атлантикон  тырнынад сыххæст кæнын.