Æхсæнадæмон Республикаг Институт (IRI)  æхсæнадон хъуыдыйы   иртасыны  фæстиуджытæ  публикаци кæны.  Иратсæнмæ гæсгæйæ,   æхсæнады  Гуырдзыстоны евроцæдисы уæнгсуæвынимæ æнæцудгæ разы сты.  Афтæма,  IRI-ы прессрелизы куыд дзырдæуы,    рафарст респонденттæ æнразыдзинад æвдисынц бæстæйы  Уæрæсейы  æмбæстæгты уæвыны тыххæй æмæ   политикон   партитæн æнæууæнк æвдисынц.

Рафарст респондентты 85% æххæстæй  кæнæ зæгъæн ис разы сты  Гуырдзыстоны  европаг тырнынадимæ.  Сæ нымæцы  60%-ы  разыдзинад æнæивгæ у,  фæнды ацы æвзæрсты тыххæй бахъæуа  Уæрæсеимæ базарадон ахастытæ аскъуынын.

IRI-ы  прессрелизмæ гæсгæйæ,   иртасæн афтæдæр  æргом æвдисы, ома Гуырдзыстоны æмбæстæгтæ  не сты разы,  æфсæддон мобилизацийæ  ралидзгæ  Уæрæсейы  æмбæстæгты  массонæй æрбацыдимæ. Рафарст респондентты 78% йæ ныхмæ сты Уæрæсейы æмбæстæгтæн Гуырдзыстонмæ æнæвизæ æрбацыды, бизнесы регистрацийы кæнæ мулк  балхæды  бар уа.

Иртасæнмæ гæсгæйæ,   æууæнк  политикон лидертыл ныллæг у. Афтæма  рафарст респондентты æрмæст  15% райхъусын кодтой, цæмæй  политикон партитыл æууæндынц, æрмæст 42% та дзурынц,ц æмæй дзы иунæг политикон парти дæр не æвдисынц сæ интерестæ.

Уыимæ æхсæнады фæндон, цæмæй  фена  фылдæр æвзонгы  политикæйы,  у рæзгæ æмæ  79%-ы бæрц у.