Гиорги Каландаришвили фембæлд «Æхсæнадæмон республикон институты» минæвæрттимæ
Централон æвзарæнон къамисы (ЦÆК) сæрдар Гиоргий Каландаришвили æмæ йæ хæдивæг Гиоргий Шарабидзе фембæлдысты «Æхсæнадæмон республикон институты» (ÆÆИ) цæстдарæн миссийы директор Шон Дэнимæ æмæ миссийы минæвæрттимæ.
Гиорги Каландаришвили деталонæй фæныхас кодта 26-æм октябры æвзæрстытыл æмæ уыимæ баст нысаниуæгджын фарстатыл. Уый фембæлды хайадисджытæн базонгæ кодта æвзарæнон администрацийы позици уагдоны ныхмæ аххосæгтæ æмæ дезинформацион кампаниты, æвзарæн быцæуты æмæ тæрхондоны процессты фæдыл. Уый ма фæныхас кодта америкаг компани «PRO V&V»-ы публикацигонд аудиты æртыккаг, кæронбæттæн этапы хатдзæг æмæ хатдзæгты тыххæй. Къаландаришвили куыд банысан кодта афтæмæй, æвзарæнон администраци æппынæдзух информиргонд цæуы æхсæнадæмон организациты бавдыст хыгъдлæвæрдтимæ æмæ æвзарæнон процессы администриргæнгæйæ архайы снысангонд рекомендацитæ хынцгæйæ.
Иннæрдыгæй та, æппæтдунеон цæстдарæг организацийы минæвæрттæ 26-æм октябры æвзæрстыты фæдыл Гиоргий Каландаришвилиимæ сæ хъуыдытæ раргом кодтой.
Цæстдарæг мисси 26-æм октябры æвзæрстытæм æвзæрстыты агъоммæйы периодæй каст, уый тыххæй дæр цæстдарæг миссийы минæвæрттæ парахатæй фæныхас кодтой æвзæрстыты развæлгъау хыгъдлæвæрды, хатдзæгты æмæ рекомендациты фæдыл. Гиорги Каландаришвили организацийы минæвæрттæн бузныг расидтис, 26-æм октябры æвзæрстытæм кæй сæ цæст дардтой æмæ сæ хатдзæгтæ кæй раргом кодтой. Фарсытæ афтæ дæр фæныхас кодтой рекомендацитыл æмæ уагдоны компетенцийы фæлгæтты сæ бакæсыны гæнæн фæндæгтыл. ЦÆК-ы арæзт фембæлдыл уыдысты цæстдарæн миссийы минæвæрттæ Даниэль Керекес, Майя Миликич æмæ Елена Асашвили.
Информаци парахат кæны ЦÆК-ы пресс-куыстуат.