NDI-ы æмæ IRI-ы эксперттæ,  политикон  партитæм, æвзæрстыты æмæ уый æмвæд политикон процессты, намысджын хайад райсынмæ æрсидтысты
NDI-ы æмæ IRI-ы эксперттæ, политикон партитæм, æвзæрстыты æмæ уый æмвæд политикон процессты, намысджын хайад райсынмæ æрсидтысты

Националон-демократон институты (NDI) æмæ Æхсæнадæмон  Республикон Институты (IRI)  эксперттæ сидынц политикон партитæм, 2 октябры  бынæттон хæдуынаффæйы  æвзæрстыты æмæ уый æмвæд  политикон процессты  намысджынæй  хайад райсынмæ.  Уый фæдыл дзырдæуы организациты  иумæйаг  фидиуæны.

«Æхсæнадæмон  Республикон Институты (IRI) æмæ Националон-Демократон Институты (NDI) экспертты балтæ, 2021  азы 2 октябры  бынæттон хæдуынаффæйы  æвзæрстыты агъоммæ,  Тбилисы сты.  Уыдон сидынц  алы политикон партимæ, куыд æвзарæнон, афтæ  æвзæрстыты фæстæ  процессты  активон  æмæ  намысджын  хайад райсынмæ  æмæ  демократон  принциптæ хъахъхъæнынмæ. Уый тыххæй, цæмæй Гуырдзыстонæн  йæ бон бауа регионы демократон  бæстæйы  статус  легитимонæй йæхимæ ныуадзын,  фарсытæ хъуамæ   баиу уæд  цæрджыты интерестыл ориентиргонд  конструктивон  диалогмæ æмæ  хæрзгъæд  конкуренцимæ.

NDI-ы æмæ IRI-ы  экспертты балтæ  хицауады минæвæрттимæ æмæ политикон лидертимæ фембæлдзысты, цæмæй æвзарæнон  æмæ политикон  процессты, демократон  принциптыл  бындурæвæрд  бастдзинады æрдæм сæрмагонд фарсхæцын  равдисой.  Уымæ дарддæр ма, эксперттæ фембæлдзысты  бынæттон  цæстдарæгон  организацитимæ, цæмæй æвзæрстыты  рæстагæй ауадзыны  процессы  сæ роль бахахх кæной.  Фембæлдтæ  афтæдæр уыдзæн  æхсæнадæмон цæстдарджытимæ æмæ  дипломативон  корпусы  минæвæрттимæ  уый æркæсынæн,  цæмæй  цы æндæвдад  ис гæнæн уа  æвзарæнон периоды  цæугæ  процесстæн  Гуырдзыстоны фидæны  рæзынады перспективæтыл.

NDI-ы æмæ IRI-ы  экспертты балтæ  æвзæрстыты размæ  кæнæ уый фæстæ  официалон  фидиуæнтæ нæ сараздзысты.  Фæнысангонд организациты  дæргъвæтин  аналитиктæ,  информацийæ ифтонг кæндзысты  экспертты, ахæм æлхынцъон  фарстæты фæдыл, цахæмдæр  стыр  партиты  кампаниты  цыд, æвзарæнон  администрацийы  куыст æмæ æвзæрстыты  бон хынцгæйæ  хъастыты æмæ  æвзарæнон  даутæ кæсыны процесстæ.  NDI æмæ IRI    æвзарæнон процесстæн аргълæвæрдтæ публикаци скæндзысты, æвзæрстытæй цалдæр къуырийы фæстæ», – дзырдæуы  иумæйаг фидиуæны.

Ныууадз комментари