Премьер фидиуæны сом сараздзæн - цахæм ивдтытæ уыдзæн Гуырдзыстоны хицауады
Гуырдзыстоны хицауады масштабон струцктурон æмæ кадрон ивдтытæ план кæнынц. Уый фæдыл фидиуæны Гуырдзыстоны премьер-министр Гиорги Квирикашвили сом сараздзæн.
Фыццаг Каналы информацийæ, плангонд у цалдæр министрады баиу кæнын. Сæрмагондæй та 18-ы бæсты ма баззайдзæн 13 министрад. Европаг æмæ Евроатлантикон структурæтæм интеграцийы фарстыты паддзахадон министры аппарат баиу уыдзæн фæсарæн хъуыддæгты министрадимæ.
Æнхъæлмæ кæсинаг ивдытæм гæсгæйæ, энергетикæйы министрад баиу уыдзæн экономикуæйы министрадимæ, æрдзы хъахъъæды æмæ æрдзон ресурсыты министрад та экономикæйы æмæ хъæууон хæдзарады министрадтыл адих уыдзæн, порты æмæ æрыгонон хъуыддæгты министрад ивд цæуы æмæ йæ иу хай ахиздзæн культурæйы мнистрадмæ, инæ та ахуырады министрадмæ.
Уымæй уæлдай, Гуырдзыстоны плангонд структурон æмæ кадрон ивдтыты фæлгæтты гæнæн ис фæмацы уа паддзахадон æдадзсинады æмæ кризисты фæткъдар совет.
Афтæма, хицауады ивындзинæдты параллелонæй, гæнæн ис бындурæвæрд æрцæуа хæдбар фæдæвзарæг уагдон. Уæвæг информацийæ, дзырдæуы хæдбар фæдæвзарæг механизмы саразыныл, кæцы равзардзæн куыд æмбæлон сты барадмæ, барадхъахъъхæнджыты архæйдтытæ.
Цыдæриддæр та министртæм æххæссы, Фыццаг Каналы информацийæ, Гуырдзыстоны мидхъуыддæгты мнистрæй гæнæн ис снысан уа Гиорги Гахариа. Уый ацы бынаты фæивдзæн архайæг министры Гиорги Мгъебришвилийы.
Экономикæйы министрæй гæнæн ис снысан уа финансты министр Димитри Кумсишвили. Кумсишвили уыдзæн фыццаг вице-прмьер æмæ экономикон блокъы координацигæнæг.
Афтæма хицауады ног сконды разындзысты дыууæ ног министры. Хæлиу кæны информаци ахуырады министр Александре Джеджелавайы ивды фæдыл дæр.