Уæлдæр ахуырады реформæйы концепци хицауад тагъд рæстæджы адæмы размæ бавдисдзæн.

Фарст абон уæлдæр ахуырады реформæйы хицауадон комисы рабадтыл уыд уынаффæ, кæцы хицауады администрацийы премьер-министр Ираклий Къобахидзейы къухдариуæгæй уагъд æрцыд.

Къамисы уæнгтæ фæстагмæ абоны рабадтыл уæлдæр ахуырады реформæйы концепцийы фæдыл сæ позицитæ бафидауын кодтой. Цæмæй документ ноджы фæхуыздæр уа, уый тыххæй йыл æруынаффæ кæндзысты фадыджы специалисттимæ, уæлдæр ахуыргæнæндæтты разамонджытимæ æмæ бизнес-секторы минæвæрттимæ, уый фæстæ кæронбæттæн документ æвдыст æрцæудзæн уæрæх адæмы размæ. Уæлдæр ахуырады реформæйы концепцийыл куыст цалдæр мæйы дæргъы цæуы.

Сессийы банысан кодтой, цæмæй концепцимæ хауынц ахæм фарстатæ, кæцытæ æввахсдæр цалдæр азы дæргъы уæлдæр ахуырады системæйы раз лæууæг фарстытæ аиуварс кæндзысты.

Премьер-министр сессийыл куыд банысан кодта афтæмæй, концепцийыл бындурæвæрдæй, гæнæн уыдзæн бæстæйы уæлдæр ахуырады гъæд фæбæрзонддæр кæнын æмæ ахæм системæ саразын, кæцыйы фæлгæтты фæсивæдæн уыдзæн фадат Гуырдзыстоны европæйаг гъæды уæлдæр ахуырад райсын.

Уый фæдыл информаци Гуырдзыстоны хицауады администраци парахат кæны.