“Vivamed”in kliniki direktoru Zurab Çxaidze, Mixeil Saakaşvilinin başqa palatada televizorunun olmaması barədə məlumatın tamamilə yanlış olduğunu bildirir. Bu haqda Çxaidze Gürcüstanın Birinci Kanalına deyib.

O, Mixeil Saakaşvilinin şəraitinin daha da yaxşılaşdığını bildirib.

“Deyərdim ki, şərait daha da yaxşılaşıb, çünki sahəsi daha böyükdür və oxşar şəraitdədir. Keçid zamanı bir neçə saat ərzində internet xətası oldu. Əminəm ki, Qiuli Alasanianın evində də internet bəzən kəsilə bilər. İnternet xətası bir neçə saat ərzində aradan qaldırıldı. Bir aydır onunla və ailə üzvləri ilə palatanın dəyişdirilməsi ilə bağlı ünsiyyət aparılır və onu xəbərsiz köçürməyiblər, onlar üçün gözlənilməz olmayıb. Saakaşvilinin heç bir iradı olmayıb, bu haqda bilirdi və heç bir irad tutmayıb.

Bununla yanaşı, Zurab Çxaidzenin qeyd etdiyi kimi, Saakaşvilinin palatasının dəyişdirilməsi klinikadakı cari struktur dəyişikliklərinə görə baş verib.

“Bizim şöbədə struktur dəyişikliyi olduğu üçün Saakaşvilinin palatası dəyişdi. Şöbə genişləndirildi, bəzi şöbələr bizə əlavə olundu, ona görə də bu şöbələrin yerləşəcəyi yerimiz yox idi və palata dəyişikliyi edildi. Belə desək, bir fligeldən digər fligelə” – Zurab Çxaidze bildirib.