Yunanıstanın xarici işlər naziri – Türkiyə Rusiyanın üsullarını tamamilə mənimsəyib, o, açıq şəkildə deyir “növbəti Ukrayna olmaq istəmirsinizsə, diqqətli olun”

Türkiyə Rusiyanın üsullarını tamamilə mənimsəyib, o, açıq şəkildə deyir “növbəti Ukrayna olmaq istəmirsinizsə, diqqətli olun”-bu barədə Yunanıstanın xarici işlər naziri Nikos Dendias Ukraynaya səfərindən sonra açıqlayıb.

“Yunanıstan və Ukraynanın ümumi problemləri var, çünki hər iki ölkənin şərq sərhədlərində böyük, təcavüzkar qonşuları var. Hər iki qonşu iddia edir ki, ərazilərimiz keçmişdə Rusiya və Osmanlı imperiyalarından yanlışlıqla yaradılıb” – deyə Yunanıstan Xarici İşlər Nazirliyinin rəhbəri bildirib.

O, Yunanıstan və Ukraynanın şərq qonşuları üçün sərhədlərin süni olduğunu bildirib.

“Yunanıstan və Ukraynanın şərq qonşuları üçün sərhədlər yoxdur, onlar sünidir, müvafiq olaraq açıq mübahisəlidir. Həm Yunanıstan, həm də Ukrayna bizim olmayan ərazilərə məsələn Krım, Donbass, Egey adalarına nəzarət edir . Ən yaxşı halda ölkələrimiz bu əraziləri demilitarizasiya etməklə onların üzərində məhdud suverenlikdən istifadə etməlidirlər. Bu revizionist narativə əsasən , ölkələrimiz “etnik” azlıqların hüquqlarını pozur. Ukraynaya münasibətdə sadə təhlükə olaraq qalmayan işğal təhlükəsi miqrasiyanın silahlaşdırılması və enerji axınının kəsilməsi kimi bütün vasitələrdən istifadə edilən hibrid müharibə ilə birləşir. Ölkələrimizin rəhbərliyinə qarşı təbliğat müharibəsi və şəxsi hücumlar da bu hibrid müharibənin bir hissəsidir”- deyə Nikos Dendias bildirib.