Əgər Türkiyə Avropa İttifaqına üzv olmağa can atırsa, Almaniyada özünə dost və etibarlı bir tərəfdaş tapacaq, – bu barədə Almaniyanın xarici işlər naziri Yohan Vadepul, Türkiyənin xarici işlər naziri Hakan Fidan ilə görüşü zamanı bildirib.

Almaniya XİN rəhbərinin sözlərinə görə, onun hökuməti Avropa İttifaqı -Türkiyə Gömrük İttifaqının müasirləşdirilməsini dəstəkləyir və nazir həmçinin bildirib ki, Berlin Türkiyənin Avropa İttifaqına üzvlük prosesinin irəliləməsinə də müsbət töhfə verəcək.

Vadepul əlavə edib ki, bütün namizəd ölkələrin tam üzvlüyü onların blokun siyasi və iqtisadi meyarlarına cavab verməsindəki irəliləyişindən asılıdır.

“Almaniya hökumətinin perspektivindən baxıldıqda, Türkiyə ilə Avropa İttifaqı arasında strateji münasibətlərin genişləndirilməsinin davam etdirməyimiz — xüsusilə də ümumi maraqlarımızı qoruduğumuz sahələrdə son dərəcə arzuolunandır. Biz Türkiyənin NATO-nun mühüm müttəfiqi və Avropa İttifaqının əsas ticarət tərəfdaşı kimi Avropa İttifaqı tərəfindən müdafiə siyasəti, eləcə də sənaye siyasəti alətlərinin hazırlanması zamanı tam şəkildə nəzərə alınmasını dəstəkləyirik”, – deyə Yohan Vadepul qeyd edib.