İsveçrənin xizək kurortunda bir barda baş vermiş yanğının, ehtimal ki, şampan butulkalarına bərkidilmiş fişəng şamı səbəbindən baş verdiyi bildirilir; həmin fişənglər “tavana çox yaxın” tutulub. Bu barədə yerli hakimiyyət məlumat yayır.

Son göstəricilərə görə, barda baş vermiş yanğın nəticəsində azı 40 nəfər həlak olub, 119 nəfər isə yaralanıb.

İstintaq hadisə yerində istifadə olunan materiallara, barın yanğın təhlükəsizliyi tədbirlərinə, onun tutumuna və yanğın zamanı içəridə olan insanların sayına fokuslanacaq. İstintaq cinayət təqibinin zəruri olub-olmamasını araşdıracaq.

“Əgər belədirsə və bu insanlar hələ də sağdırsa, onlara qarşı cinayət işi açılacaq”, – Vales kantonunun baş prokuroru Beatris Pilum qeyd edib.

Yerli hakimiyyətin məlumatına görə, yanğın nəticəsində xəsarət alanların əksəriyyətinin vəziyyəti kritik olaraq qalır.

Xəsarət alanlardan 113-nün rəsmi olaraq şəxsiyyəti müəyyən edilib. nOnların 71-i İsveçrə, 14-ü Fransa, 11-i İtaliya və dördü Serbiya vətəndaşıdır. Xəsarət alanlar arasında “Metz” futbol klubunda oynayan 19 yaşlı fransız futbolçusu Tahiris Dos Santos da var. Klubun məlumatına görə, dos Santos yanğın nəticəsində “ağır yanıq” alıb və müalicə üçün helikopterlə Almaniyaya aparılıb.