Xarici Əlaqələr Komitəsinin sədri Nikoloz Samxaradze və komitə üzvləri Ermənistanın paytaxtında rəsmi səfərdədir. Yerevanda Nikoloz Samxaradze, Ermənistanın Milli Assambleyasının Xarici Əlaqələr üzrə Daimi Komitəsinin sədri Sarqis Xandanyan və komitə üzvlərinin iştirak etdiyi Gürcüstan-Ermənistan parlamentlərinin xarici əlaqələr komitələrinin illik birgə iclası keçirilib.

Assambleya çərçivəsində Gürcüstan-Ermənistan strateji tərəfdaşlığını və mövcud əməkdaşlığı müzakirə ediblər. Parlament səviyyəsində əlaqələrin inkişafı üçün yeni formatların əhəmiyyəti vurğulanıb.

Tərəflər regional təhlükəsizlik məsələləri, mövcud çağırışlar, Gürcüstanın işğal olunmuş bölgələrində mövcud mürəkkəb vəziyyətdən danışıblar. Gürcü tərəfi həmkarlarına Gürcüstanda planlaşdırılan parlament seçkiləri və seçkiöncəsi mühit haqqında məlumat verib.

Nikoloz Samxaradze həmkarına Ermənistan tərəfindən BMT-də “Abxaziyadan, Gürcüstan və Sxinvali regionundan/Cənubi Osetiyadan olan məcburi köçkünlərin və qaçqınların statusu haqqında” qətnaməyə verilən dəstəyə görə təşəkkür edib və Ermənistana Avropa İttifaqı ilə yaxınlaşmaq yolunda kömək etməyə və assosiasiya sazişinin həyata keçirilməsi ilə bağlı ölkənin təcrübəsini bölüşmək barədə hazırlıq ifadə edib.

Ermənistanın Milli Assambleyasının Xarici Əlaqələr üzrə Daimi Komitəsinin sədri Gürcüstan Parlamentinin nümayəndə heyətinin üzvlərinə Ermənistanda cari proseslər və Ermənistanla Azərbaycan arasındakı münasibətlər barədə məlumat verib.

“Yerevanda Gürcüstan-Ermənistan parlamentlərinin xarici əlaqələr komitələrinin illik sessiyası keçirildi və sessiyada iki ölkə arasında sıx dostluq münasibətlərindən və strateji tərəfdaşlıqdan danışdıq. Aramızda mövcud münasibətlərin ən yüksək səviyyədə olduğunu vurğuladıq və parlament əlaqələrinin daha da gücləndirilməsi barədə razılığa gəldik” – Nikoloz Samxaradze bildirib.

Xarici Əlaqələr Komitəsinin sədri Nikoloz Samxaradze Gürcüstanın nümayəndə heyətinə rəhbərlik edir. Nümayəndə heyətinin tərkibinə daxildir: Xarici Əlaqələr Komitəsi sədrinin birinci müavini Mariam Laşxi; Mədəniyyət Komitəsi sədrinin birinci müavini və xarici əlaqələr komitəsinin üzvü İrakli Mezurnişvili və ətraf mühitin mühafizəsi və təbii resurslar komitəsi sədrinin birinci müavini Xatia Tsilosani.

Məlumatı Gürcüstan Parlamentinin mətbuat xidməti yayır.