Yeddi İsrail vətəndaşı İranın xeyrinə casusluq ittihamı ilə həbs edildi

Yeddi İsrail vətəndaşı İranın xeyrinə casusluq ittihamı ilə həbs edilib. Bu barədə Times of Israel xəbər verir.

Prokurorların sözlərinə görə, müttəhimlər Tehran üçün yüzlərlə tapşırıq yerinə yetiriblər. Məhbuslar İsrail Müdafiə Qüvvələrinin bazaları və obyektləri haqqında fotoşəkil çəkmək və məlumat toplamaqda ittiham olunurlar.

Prokurorların sözlərinə görə, polis və müstəntiqlər müttəhimlərin İranın kəşfiyyat orqanları üçün müxtəlif tapşırıqlar yerinə yetirdiyini və İran agentləri ilə əlaqə saxladıqlarını, bunun müqabilində yüz minlərlə dollar aldığını müəyyən ediblər.

Prokurorların sözlərinə görə, müttəhimlərdən bəziləri iki il İrana casusluq edib və onların hamısı müharibə başlayandan sonra kəşfiyyat fəaliyyəti həyata keçirib.

KİV-in məlumatına görə, şübhəlilər Hayfa və şimal sakinləridir, o cümlədən ordudan qaçan bir əsgər və iki azyaşlı. Dövlət Prokurorluğu iddia edir ki, bu, son illərin ən ağır işlərindən biridir.