“Xalqın xidmətçisi”nin deputatı Nikolay Tişşenko Taylanda səfər etdiyi üçün partiyadan xaric edilib

Ukraynanın xalq deputatı, hakim “Xalqın xidmətçisi” partiyasının deputatı Nikolay Tişşenko Taylanda səfəri ilə əlaqədar partiyadan xaric edilib.

Ukraynanın Tailanddakı səfirliyinin mətbuat xidmətindən açıqlandığı üzrə Tişşenkonun yanvarın 27-də Banqkokda Ukrayna diasporu ilə görüşü planlaşdırılır.

“Xalqın xidmətçisi” fraksiyasının lideri Davit Araxamia Nikolay Tişşenkonun Taylanda getməsinə münasibət bildirib və partiyanın sədri Olena Şulyakı onu partiyadan xaric etməyə çağırıb.

“Mən görürəm ki, müharibə zamanı xalq deputatlarının nə etməli olduğunu hamı başa düşmür. Ona görə də biz bir sıra kadr qərarları hazırlayırıq: 1. Nikolay Tişşenkonun “Xalqın xidmətçisi” fraksiyasının sədr müavini vəzifəsindən azad edilməsi; 2. Onu fraksiyamızdan çıxarmaq üçün fövqəladə iclas çağırırıq; 3. “Xalqın xidmətçisi” partiyasından Olena Şulyaka onun qovulması xahişi ilə müraciət edirəm. Əminəm ki, heç kimin səbəbinə açıqlıq gətirilməsinə ehtiyacı yoxdur. Ümid edirəm ki, bundan sonra hamı nəhayət ki, müharibədə iştirak edən bir ölkənin deputatının fəaliyyətinin necə olduğunu başa düşəcək”– deyə Araxamia “Telegram” kanalında yazır.

Daha sonra partiyanın nümayəndəsi Yuliya Paliçuk Nikolay Tişşenkonun “Xalqın xidmətçisi” partiyasından xaric edildiyini açıqlayıb. Ukrayna mediası ölkənin prezident ofisinin rəhbəri Andrey Yermakın Nikola Tişşenkonun oğlunun xaç atası olması ilə bağlı məlumat yayır.

Xatırladaq ki, Ukrayna Milli Təhlükəsizlik, eləcə də Müdafiə Şurasının qərarına və Prezident Zelenskinin fərmanına əsasən, Ukrayna dövlət məmurlarına, o cümlədən deputatlara vəzifə ilə əlaqədar ezamiyyətlər istisna olmaqla, müharibə vəziyyətində ölkədən çıxmaq qadağan edilib.