“Wall Street Journal”ın məlumatında Volodimir Zelenskinin sülh planını 2023-cü ilin fevralında təqdim edəcəyi deyilir

“Wall Street Journal”ın məlumatında Volodimir Zelenskinin sülh planını 2023-cü ilin fevralında təqdim edəcəyi deyilir. Bu barədə Amerika nəşri avropalı və amerikalı diplomatlara istinadən məlumat yayır.

“Wall Street Journal”a danışan diplomatlar bildiriblər ki, Zelenskinin komandası hazırda konkret sülh planı üzərində işləyir. 2023-cü ilin fevralın 24-də planın təqdim edilməsi planlaşdırılır.

Bununla yanaşı, ABŞ, NATO və Ukrayna nümayəndələrinin qeyd etdiyi kimi, Kiyevin Moskvadan ciddi güzəştlər tələb etdiyi vaxt Ukraynanın mövqeyi Ukraynanın döyüş meydanındakı mövqelərindən asılı olacaq.

Volodimir Zelenski Vaşinqtona səfəri zamanı ABŞ prezidenti Co Baydenə sülh planını təqdim edib. Bu təklifin təfərrüatları hələ məlum deyil, lakin “Washington Post”un yazdığı kimi, ABŞ-da müharibəni bitirmək üçün üç variant nəzərdən keçirilir.

Bunlara: Rusiya hərbçilərinin Ukrayna ərazilərindən, o cümlədən Krımdan tamamilə çıxarılması, Rus hərbçilərin 2014-cü ilə qədər olan mövqelərinə qayıtması və ya Krımın deyil, Donbasın tərk edilməsi. Lakin Amerika nəşrinin yazdığı kimi, Ukrayna son iki variantla razılaşmır.

ABŞ dövlət katibi Entoni Blinken ilin yekun brifinqində “Böyük Yeddilik” üzvləri ilə Zelenskinin sülh planının detallarını müzakirə etdiyini bildirib. O bildirib ki, bu “yaxşı başlanğıcdır”.