Ukrayna Prezidenti Volodimir Zelenski yeni Ukrayna sanksiyaları barədə bəyanat verib. Onun söylədiyinə görə, Ukraynaya qarşı müharibədə iştirak etdiklərinə, hərbi-sənaye kompleksində işlədiklərinə və təbliğat yaydıqlarına görə əlavə olaraq 50-dən çox şəxsə sanksiyalar tətbiq edilib.

Ukrayna prezidentinin izah etdiyi kimi, genişləndirilmiş sanksiya siyahısında əsasən ruslar yer alır və Ukrayna onların adlarını tərəfdaşlarına təqdim edir ki, birlikdə Rusiyaya təzyiq göstərilsin.

Nazirlər Kabineti həmçinin Ukrayna sanksiyalarını Avropa İttifaqı sanksiyaları ilə sinxronlaşdırılması üçün hazırlıq görüşü keçirib və Brüsseldə artıq işlənməyə başlanmış 20-ci sanksiya paketinə dair rəylər göndərilib.