Ukrayna növbəti on gün ərzində müttəfiqləri ilə atəşkəs planı üzərində işləyəcək, – bu barədə Ukrayna prezidenti Volodimir Zelenski bildirib.

“Bir neçə sürətli maddə – məsələn, atəşkəs planı. Biz qərara gəldik ki, bunun üzərində növbəti həftə və ya 10 gün ərzində işləyəcəyik”, – Zelenski “Axios”a bildirib.

“Axios” həmçinin yazır ki, Zelenskinin bu bəyanatının səbəbi Trampın müharibənin mövcud döyüş xəttlərində dayandırılması çağırışıdır.

Ukrayna lideri müsahibə zamanı həmçinin qeyd edib ki, Rusiyaya qarşı qismən təzyiq çərçivəsində ABŞ administrasiyasından yalnız “Tomahawk” raketləri deyil, həm də istifadəsi uzun müddət təlim tələb etməyən “oxşar vasitələri” təmin etməsini xahiş edir.