Ukrayna prezidenti Volodimir Zelenskinin bildirdiyinə görə, Ukrayna Macarıstan və Slovakiyaya enerji daşıyıcılarının alternativ mənbələri ilə bağlı kömək etməyə hazırdır.

Ukrayna prezidenti bildirir ki, məsələ oktyabr ayında Ukrayna və Slovakiya hökumətlərinin birgə iclasında müzakirə ediləcək.

“Slovakiyada hökumət iclası keçiriləcək, burada Ukrayna təkliflər və enerji dəstəyində alternativ addımlar təqdim edə bilər. Amma əgər söhbət Rusiya nefti və Rusiyanın təbii qazından getmirsə”, – deyə Zelenski bildirib.

Onun sözlərinə görə, bu mövzu macarlarla da müzakirə oluna bilər.

“Amma onlardan heç bir addım atılmayıb. Media vasitəsilə, əslində Ukraynanı dəstəkləməyən bəzi siqnallardan başqa heç nə eşitmirəm”, – deyə Ukrayna prezidenti bildirib.

Məlumat üçün bildirək ki, bundan əvvəl BMT-nin Baş Assambleyasında çıxış edən Donald Tramp bildirib ki, Avropa Rusiyanın enerji resurslarından mümkün qədər tez imtina etməlidir, çünki bu, faktiki olaraq “özünə qarşı müharibəni” maliyyələşdirir. Bundan sonra Donald Tramp Macarıstanın baş naziri ilə telefonla danışıb.

ABŞ lideri ilə danışıqlardan sonra Viktor Orban bildirib ki, Macarıstan Rusiyanın enerji daşıyıcılarından imtina edə bilməz, çünki onun alternativi yoxdur və əgər Budapeşt bunu edərsə, yüzlərlə macar ailəsi yoxsullaşacaq.