Ukrayna prezidenti Putinin müttəfiqi olmayan istənilən Macarıstan lideri ilə işləməyə hazır olduğunu bildirib. Volodimir Zelenski bu barədə jurnalistlərlə söhbətində bildirib.

Zelenskinin sözlərinə görə, hazırkı Macarıstan hökuməti macarlar arasında antiukrayna əhval-ruhiyyəsini qızışdırır.

“Biz heç bir şəkildə macar xalqına və ya ölkəmizin vətəndaşı olan milli azlıqlara qarşı mənfilik, nifrət və ya hörmətsizlik yaymırıq və bunu hamı bilir, Macarıstandakı hazırkı hökumətin təşəbbüsü ilə baş verənlərdən fərqli olaraq”, – Zelenski qeyd edib.

Ukrayna lideri həmçinin bildirib ki, Macarıstan rəhbərliyi dəyişərsə nə baş verəcəyini deyə bilməz, amma o, Putinin müttəfiqi olmayan istənilən liderlə əməkdaşlığa hazır olduğuna əmindir.

“Biz Macarıstan rəhbərliyi ilə, Macarıstanda işləmək, Ukrayna ilə dinc yaşamaq, geosiyasi seçimlərimizə mane olmamaq və yaxşı qonşu olmaq istəyən istənilən şəxslə işləyəcəyik”, – Ukrayna Prezidenti bildirib.