Ukrayna Prezidenti Volodimir Zelenski ABŞ və Rusiya ilə üçtərəfli danışıqların yeni mərhələsinin təfərrüatlarının razılaşdırıldığını bildirib.

Zelenski danışıqların ehtimal ki, Cenevrədə növbəti 10 gün ərzində keçiriləcəyini izah edir.

Onun dediyinə görə, Ukrayna tərəfinin “ən çətin suallara” cavabları hazırlanıb və ABŞ ilə üçtərəfli format da daxil olmaqla, danışıqlar qrupu üçün prioritetlər müəyyən olunub.

Ukrayna prezidenti ərazi məsələlərində heç bir müsbət nəticə əldə edilmədiyini qeyd edib. Onun dediyinə görə, Ukrayna ərazilərini Rusiyaya verməyəcək və Kompromis artıq kompromislərin müzakirə olunması faktıdır.

“Hazırda heç kim ərazi məsələlərində irəliləyiş görmür, bu, bir faktdır və biz bunu etiraf etməliyik”, – deyə Zelenski bildirib.

Bununla yanaşı, Volodimir Zelenski tərəflərin əsirlərin sayı və mübadiləsinin tarixi ilə bağlı razılığa yaxın olduğunu bildirib.

Ukrayna prezidentinin qeyd etdiyi kimi, bəzi məsələlər komanda səviyyəsində həll edilə bilmir və buna görə də liderlərin birbaşa görüşü zəruridir.

“Ukrayna bu formata hazırdır”, – Zelenski bildirib.