Ukrayna və Fransa liderləri Böyük Britaniyanın baş naziri ilə birlikdə görüş zamanı ABŞ prezidentinin xüsusi nümayəndəsi Stiv Uitkoffla danışıblar. Bu barədə Volodimir Zelenski sosial şəbəkədə yazır.

Zelenski qeyd edir ki, liderlər Ukrayna Milli Təhlükəsizlik və Müdafiə Şurasının katibi Rustem Umerovla da danışıblar.

“Bu, vacib brifinq idi. Biz əlavə təfərrüatları şəxsən müzakirə etmək barədə razılığa gəldik – komandalar gələcək mümkün təmaslar üçün qrafiki razılaşdıracaqlar”, – Zelenski yazır.

Sosial şəbəkədə dərc edilən başqa bir yazıda Ukrayna prezidenti qeyd edir ki, müharibə mümkün qədər tez bitməlidir.

“Emmanuel Makronla bir neçə saatlıq söhbət zamanı biz mühüm detalları müzakirə etdik. Əsas diqqət müharibəni dayandırmaq üçün danışıqlara və təhlükəsizlik zəmanətlərinə yönəldilib. Sülh həqiqətən dayanıqlı olmalıdır. Müharibə mümkün qədər tez bitməlidir. İndi hər bir liderin iştirakından çox şey asılıdır”, – Zelenski yazır.