Ukrayna Prezidenti Volodimir Zelenski bildirib ki, kəşfiyyat məlumatlarına əsasən, Rusiya yeni kütləvi raket hücumuna hazırlaşır.

“Rusiyanın Ukraynaya qarşı yeni kütləvi hücuma hazırlaşdığına dair kəşfiyyat məlumatları var. Xahiş edirəm, hava həyəcanı siqnallarına diqqət yetirəsiniz. Xidmətlərimiz hazır vəziyyətdədir. Hərbi Hava Qüvvələri və digər hava hücumundan müdafiə strukturları, hər zaman olduğu kimi, 24 saatlıq rejimdə işləyəcək”, – Ukrayna Prezidenti bildirib.

Volodimir Zelenski sazişləri tam yerinə yetirən bütün tərəfdaş ölkələrə təşəkkür edib. Bununla yanaşı, Zelenski izah edir ki, Ukrayna üçün raket silahlarının satın alınmasını nəzərdə tutan proqram tam şəkildə işə salınmalıdır; Ukrayna Prezidentinin sözlərinə görə, bu, həm Amerikaya, həm də Avropaya aiddir.