Rusiyanın indi nə etdiyini, hər addımını, hər hücumunu görmək hər kəs üçün vacibdir, çünki bu, əslində müharibənin bitməsi demək deyil, – bu barədə Ukrayna prezidenti Volodimir Zelenski bildirib.

Onun dediyinə görə, Rusiya Ukraynaya kütləvi hücum edib və nəticədə Kirovoqrad, Nikolayev, Odessa, Sumi, Xarkov, Xerson və Çerniqov bölgələrində minlərlə insan elektrik enerjisiz qalıb.

Zelenskinin bildirdiyinə görə, ruslar Dnepr və Çerkassı bölgələrinə də hücum edib.

“Rusiyanın indi nə etdiyini, hər addımını, hər hücumunu görməsi hər kəs üçün vacibdir, çünki bu, əslində müharibənin başa çatması demək deyil. Onlar hələ də dövlətimizi məhv etməyə və xalqımıza mümkün qədər ağrı-acı yaşatmağa çalışırlar. Ona görə də insanların həyatını qorumağa və bu müharibəni bitirməyə kömək edəcək hər şeydə dəstəyə ehtiyacımız var: hava hücumundan müdafiəni və cəbhə xəttində olan əsgərlərimizi gücləndirmək, uzaq məsafəli imkanlarımızı artırmaq və Rusiyaya təzyiqi artırmaq. Bütün diplomatik səylərimizin effektiv olması üçün müharibəni bitirmək üçün təcavüzkara təzyiq etməliyik. Onların başlatdığı müharibəyi bitirməyə”, – Zelenski bildirib.

Məlumat üçün bildirək ki, gecə saatlarında Odessada törədilən hücumda azı dörd nəfər yaralanıb. Yaşayış binalarına, inzibati binaya, mülki binalara və yanğınsöndürən maşına ziyan dəyib. Hazırda hadisə yerində 100-dən çox yanğınsöndürən işləyir. Paralel olaraq, Nikolayev bölgəsində baş vermiş genişmiqyaslı hücum nəticəsində azı beş nəfər yaralanıb.