Ukrayna Prezidenti Volodimir Zelenski təsdiqləyir ki, cümə günü, 17 oktyabrda Vaşinqtonda Donald Trampla görüşməyi planlaşdırır. Bu barədə Ukrayna lideri Kiyevdə səfərdə olan Avropa İttifaqının ali nümayəndəsi Kaya Kallasla keçirilən mətbuat konfransında bildirib.

“Cümə günü Vaşinqtona gəlib prezidentlə görüşmək imkanım olacağına ümid edirəm. Təbii ki, mənim üçün vacib olan başqa görüşlərim də var, bəzi hərbi şirkətlərlə də vacib olan görüşlərim var. Bu barədə təfərrüatları açıqlamayacağam, həmçinin yəqin ki, senatorlarla və konqresmenlərlə görüşlər də olacaq”, – Zelenski qeyd edib.

Ukrayna liderinin dediyi kimi, Vaşinqtonda planlaşdırılan danışıqların əsas mövzusu Rusiyaya təzyiq göstərmək üçün hava hücumundan müdafiə və Ukraynanın uzaqmənzilli zərbə imkanlarıdır.